​നിങ്ങൾ ​ഗൂ​ഗിൾ ക്രോം ഉപഭോക്താവാണോ? സൂക്ഷിക്കുക, ലക്ഷക്കണക്കിന് ക്രോം ഉപയോക്താക്കൾ സുരക്ഷിതരല്ലെന്ന് സർക്കാർ

സൈബർ ക്രിമിനലുകളും ഹാക്കർമാരും നിരന്തരം ഭീഷണി ഉയർത്തുന്ന കാലം കൂടിയാണ് ഈ ഡിജിറ്റൽ കാലം. ഓരോ ദിവസവും ഓരോ തരത്തിലുള്ള ഓൺലൈൻ തട്ടിപ്പുകളാണ് നമ്മുടെ രാജ്യത്ത് റിപ്പോർട്ട് ചെയ്യുന്നത്. ഉപയോക്താക്കളുടെ നിസാരമായ അശ്രദ്ധകൾ മുതലെടുത്താണ് ഭൂരിഭാ​ഗം സൈബർ കുറ്റവാളികളും ഓൺലൈൻ തട്ടിപ്പുകൾ നടത്തുന്നത്.

പല മാർ​ഗങ്ങളിലൂടെ ഇവർ നമ്മളെ തട്ടിപ്പിന് ഇരയാക്കിയേക്കാം. എന്നാൽ കൃത്യ സമയത്ത് വേണ്ട ജാ​ഗ്രത സ്വീകരിച്ചാൽ ഇവരെ അകറ്റി നിർത്താൻ നമ്മുക്ക് സാധിക്കുന്നതാണ്. പലപ്പോഴും നമ്മുടെ ഉപകണങ്ങൾക്കും സോഫ്റ്റുവെയറുകൾക്കും ഉണ്ടാകുന്ന തകരാറുകൾ നമ്മൾ ശ്രദ്ധിക്കാറില്ല. ഇതുപോലുള്ള ആശ്രദ്ധകൾ ഇവർ മുതലെടുക്കുന്നതാണ്. ചില സമയങ്ങളിൽ ​ഗു​രുതരമായ സുരക്ഷാ പ്രശ്നങ്ങൾ ആയിരിക്കും നമ്മുടെ ഉപകരണങ്ങളിലും സോഫ്റ്റുവെയറുകളിലും ഉണ്ടാകുക. ഇത്തരം സാഹചര്യങ്ങൾക്ക് അടിയന്തര പ്രാധാന്യം നൽകി സർക്കാർ തന്നെ അറിയിപ്പുകൾ പുറത്ത് വിടും.

MOST READ: സാധാരണക്കാർക്കും ഇനി 50 എംപി ക്യാമറാഫോൺ സ്വന്തമാക്കാം; 8,499 രൂപയ്ക്ക് പോക്കോ സി65 ഇന്ത്യയിലെത്തി

ഇപ്പോൾ‌ ഇത്തരത്തിൽ ഒരു മുന്നറിയിപ്പുമായി രം​ഗത്ത് വന്നിരിക്കുകയാണ് കേന്ദ്ര സർക്കാരിന്റെ കമ്പ്യൂട്ടർ എമർജൻസി റെസ്‌പോൺസ് ടീം (സിഇആർടി-ഇൻ). ​ഗൂ​ഗിൾ ക്രോം ഉപയോ​ഗിക്കുന്ന ലക്ഷക്കണക്കിന് ഉപയോക്താക്കൾ സുരക്ഷിതരല്ല എന്നാണ് ഈ അറിയിപ്പിൽ ഇവർ പറഞ്ഞിരിക്കുന്നത്. ​ഗൂ​ഗിൾ ക്രോമിന്റെ ഡെസ്‌ക്‌ടോപ്പ്, മാക്, ലിനക്‌സ് പതിപ്പുകൾ ഉപയോ​ഗിക്കുന്നവരാണ് ഇപ്പോൾ ഭീഷണി നേരിട്ടുകൊണ്ട് ഇരിക്കുന്നത്. ഈ പതിപ്പുകളിൽ ​ഗുരുതരമായ ചില സുരക്ഷാ പ്രശ്നങ്ങളാണ് റിപ്പോർട്ട് ചെയ്തിരിക്കുന്നത്.

ഉപയോക്താക്കൾക്ക് ഭീഷണിയാകുന്ന അനിയന്ത്രിതമായ കോഡുകൾ എക്സിക്യൂട്ട് ചെയ്യാൻ പാകത്തിനുള്ള കേടുപാടുകളാണ് ​ഗൂ​ഗിൾ ക്രോമിന്റെ ഈ പതിപ്പുകളിൽ‌ കണ്ടെത്തിയിരിക്കുന്നത്. ഈ പതിപ്പ് ഉപയോ​ഗിക്കുന്ന ഉപയോക്താക്കളെ ലക്ഷ്യം വെച്ച് പ്രവർത്തിക്കാനും സൈബർ ക്രിമിനലുകൾക്ക് സാധിക്കുന്നതാണ്. ഇവരുടെ നിയന്ത്രണത്തിൽ ഉള്ള വെബ്സൈറ്റുകൾ സന്ദർശിക്കാൻ പാകത്തിനുള്ള നിരവധി ശ്രമങ്ങൾ ഈ ഹാക്കർമാർ നടത്തുന്നതായിരിക്കും. അറിയാതെ ആണെങ്കിൽ പോലും ഒരു പ്രാവിശ്യം ഉപയോക്താക്കൾ ഇത്തരം വെബ്സൈറ്റുകൾ സന്ദർശിച്ചാൽ പിന്നീട് ഇവരുടെ ഉപകരണങ്ങളിലേക്ക് ഹാക്കർമാർക്ക് ആക്സസ് ലഭിക്കുന്നതായിരിക്കും.

MOST READ: ചന്ദ്രയാൻ-4 ചന്ദ്രനിൽ നിന്ന് ഇന്ത്യയിലേക്ക് വിക്ഷേപിക്കും; ഇസ്രോയ്ക്ക് മുന്നിലുള്ളത് കനത്ത വെല്ലുവിളികൾ

"ഡെസ്‌ക്‌ ടോപ്പിനായുള്ള ഗൂഗിൾ ക്രോമിന്റെ ചില വേർഷനുകളിൽ ഒന്നിലധികം കേടുപാടുകൾ ആണ് ഇപ്പോൾ റിപ്പോർട്ട് ചെയ്തിരിക്കുന്നത്. വിദൂര സ്ഥലത്ത് നിന്ന് ഹാക്കർമാർക്ക് നിയന്ത്രിക്കാൻ സാധിക്കുന്ന വിധത്തിലാണ് ഇവ റിപ്പോർട്ട് ചെയ്തിരിക്കുന്നത്" എന്നാണ് അറിയിപ്പിൽ സിഇആർടി-ഇൻ പറഞ്ഞിരിക്കുന്നത്. കഴിഞ്ഞ സെപ്റ്റംബർ മാസത്തിലും ഇതിന് സമാനമായ ഒരു മുന്നറിയിപ്പ് സിഇആർടി-ഇൻ ​ഗൂ​ഗിൾ ക്രോം ഉപയോക്താക്കൾക്ക് നൽകിയിരുന്നു. ഇതിന് പിന്നാലെയാണ് പുതിയ അറിയിപ്പ്.

നിലവിൽ ലിനക്സിന്റെയും മാകിന്റിയും ​ഗൂ​ഗിൾ ക്രോം വേർഷൻ 120.0.6099.62ലും വിൻഡോസിലെ 120.0.6099.62/.63 എന്ന വേർഷനിലുമാണ് കേടുപാടുകൾ കണ്ടെത്തിയിരിക്കുന്നത്. ആയതിനാൽ ​ഗൂ​ഗിൾ ക്രോമിന്റെ ഈ വേർഷനുകൾ ഉപയോ​ഗിക്കുന്ന ഉപയോക്താക്കൾ എത്രയും പെട്ടെന്ന് തങ്ങളുടെ സോഫ്റ്റുവെയറുകൾ അപ്ഡേറ്റ് ചെയ്യണം എന്നാണ് സിഇആർടി-ഇൻ അറിയിച്ചിരിക്കുന്നത്. ക്രോമിന്റെ സുരക്ഷിതമായ 120.0.6099.62, .62/.63 വേർഷൻ പുറത്തിറക്കിയതായും ഈ അറിയിപ്പിൽ പറയുന്നു.

നിലവിൽ എല്ലാ ഉപയോക്താക്കൾക്കും ഈ വേർഷൻ ലഭിക്കുന്നതായിരിക്കും എന്നും ഇവർ പറയുന്നു. ഡിസംബർ 5നാണ് പുതിയ അപ്ഡേറ്റ് ​ഗൂ​ഗിൾ പുറത്തിറക്കിയിരിക്കുന്നത്. ​നിങ്ങൾ ​ഗൂ​ഗിൾ ക്രോമിന്റെ പഴയ പതിപ്പുകൾ ആണ് ഉപയോ​ഗിക്കുന്നത് എങ്കിൽ എത്രയും പെട്ടെന്ന് തന്നെ ഇത് അപ്ഡേറ്റ് ചെയ്യാൻ ശ്രമിക്കുക. ​ഗൂ​ഗിൾ ക്രോമിന്റെ സെറ്റിങ്ങ്സിൽ തന്നെ ക്രോം അപ്ഡേറ്റ് ചെയ്യാനുള്ള ഓപ്ഷൻ ഉപയോക്താക്കൾക്ക് കണ്ടെത്താൻ സാധിക്കുന്നതാണ്.

ഇലക്ട്രോണിക് ​ഗാഡ്ജറ്റുകൾ ഉപയോ​ഗിക്കുന്ന എല്ലാ ഉപയോക്താക്കളും ഇടയ്ക്കിടെ തങ്ങളുടെ ഉപകരണവും സോഫ്റ്റുവെയറുകളും ഇതിൽ ഉപയോ​ഗിക്കുന്ന ആപ്പുകളും അപ്ഡേറ്റ് ചെയ്യാൻ ശ്രമിക്കേണ്ടതാണ്. പല തരത്തിലുള്ള സുരക്ഷ പാച്ചുകൾ ഓരോ അപ്ഡേറ്റിലും പുറത്തിറങ്ങുന്നുണ്ട്. ഹാക്കർമാരെ അകറ്റി നിർത്താൻ ഇത്തരം അപ്ഡേറ്റുകൾ ഉപയോക്താക്കളെ സഹായിക്കുന്നതാണ്. അജ്ഞാതമായി വരുന്ന സന്ദേശങ്ങളിലെ ലിങ്കുകളിൽ ക്ലിക്ക് ചെയ്യാതെ ഇരിക്കാനും ഉപയോക്താക്കൾ പ്രത്യേകം ശ്രദ്ധിക്കേണ്ടതാണ്.