കൊവിഡ്-19മായി ബന്ധപ്പെട്ട ട്വീറ്റുകളിലെ വിവരങ്ങൾ ശരിയാണോ എന്നറിയാൻ കൊവിഡ് വെരിഫൈഡ്

എന്താണ് കൊവിഡ് വെരിഫൈഡ് ?

കൊവിഡ്-19 സംബന്ധിച്ച ട്വീറ്റുകൾ പരിശോധിച്ചുറപ്പിക്കുന്നതോ പഴയതാണെന്ന് സ്ഥിരീകരിക്കുന്നതോ ആയ ഒരു പുതിയ ക്രൗഡ്സോഴ്‌സ് ടൂളാണ് കൊവിഡ് വെരിഫൈഡ്. ഈ പുതിയ ടൂൾ അവതരിപ്പിച്ചത് ശിഖർ സക്‌സേനയാണ്. ധാരാളം ആളുകൾ ട്വിറ്ററിനോട് വെരിഫൈഡ് ബട്ടൺ ആവശ്യപ്പെടുന്നുണ്ട്. ഈ സന്ദർഭത്തിലാണ് കൊവിഡ് വെരിഫൈഡ് അവതരിപ്പിച്ചത് എന്ന് സക്സേന ട്വീറ്റ് ചെയ്തു.

കൊവിഡ് വെരിഫൈഡ് പ്രവർത്തിക്കുന്നതെങ്ങനെ?

ഓരോ ട്വീറ്റിന്റെയും കൃത്യതയും പഴക്കവും തിരിച്ചറിയുക എന്നത് എളുപ്പമുള്ള കാര്യമല്ല. പക്ഷേ കോവിഡ് വെരിഫൈഡ് ടൂൾ ഈ പ്രക്രീയ ലളിതമാക്കുന്നു. കോവിഡ് വെരിഫൈഡ് പ്രവർത്തിക്കുന്നത് ട്വിറ്റർ എപിഐ ഉപയോഗിച്ചാണ്. കൊറോണ വൈറസുമായി ബന്ധപ്പെട്ട കീവേഡുകളുടെ സഹായത്തോടെ സമീപകാല ട്വീറ്റുകൾ ലഭ്യമാക്കുന്നതിനാണ് ട്വിറ്റർ എപിഐ ഉപയോഗിക്കുന്നത്.

വെബ്‌സൈറ്റിൽ നിന്ന് നേരിട്ട് ട്വീറ്റുകൾ പരിശോധിച്ച ആർക്കും ഇവ വെരിഫൈഡ് ആണോ എന്നോ പഴയത് ആണോ എന്നോ അടയാളപ്പെടുത്താൻ കഴിയും. ഈ പ്രോസസ്സ് ഉപയോഗിച്ച് 24 മണിക്കൂറിനിടെ ഏറ്റവും കൂടുതൽ പരിശോധനകൾ നടത്തിയ ട്വീറ്റുകൾ മുകളിൽ കാണിക്കുന്നു. പഴയ ട്വീറ്റുകൾ ആളുകളിലേക്ക് എത്തിക്കുന്നതിന് പകരം പ്രസക്തവും പരിശോധിച്ചതുമായ വിവരങ്ങളുള്ള ട്വീറ്റുകൾ ആളുകളിലേക്ക് കൂടുതലായി എത്തിക്കാൻ ഇത് സഹായിക്കുന്നു.

കൊവിഡ് വെരിഫൈഡ് എങ്ങനെ ഉപയോഗിക്കാം?

കൊവിഡുമായി ബന്ധപ്പെട്ട് സഹായം ആവശ്യപ്പെടുന്ന ട്വീറ്റുകളും സഹായം നൽകുന്നതിനായുള്ള ട്വീറ്റുകളും നിരവധി വരുന്നുണ്ട്. എന്നാൽ ഇതിൽ നിങ്ങളുടെ പ്രദേശത്ത് പ്രസക്തമാകുന്ന ട്വീറ്റുകൾ തിരഞ്ഞെടുക്കുന്നത് എളുപ്പമാകില്ല. ഈ അവസരത്തിൽ കൊവിഡ് വെരിഫൈഡ് വളരെ ഉപയോഗപ്രദമാണ്. ഇത് വളരെ ലളിതമായി ആക്സസ് ചെയ്യാനും കഴിയും

ഘട്ടം 1: covidverified.in എന്ന ലിങ്ക് ഓപ്പൺ ചെയ്യുക. നിങ്ങളുടെ സിറ്റിയും നിങ്ങൾക്ക് ആവശ്യമുള്ള ഓക്സിജൻ, ബെഡ്, പ്ലാസ്മ പോലുള്ള കാര്യങ്ങൾ തിരഞ്ഞെടുക്കുക.

ഘട്ടം 2: സെർച്ച് തിരഞ്ഞെടുക്കുക, ഏറ്റവും പ്രസക്തവും പരിശോധിച്ചുറപ്പിച്ചതുമായ ട്വീറ്റുകളുടെ പട്ടിക ചാർട്ടിന് മുകളിൽ കാണാം.

കോവിഡ് വെരിഫൈഡിലൂടെ വെരിഫൈഡ് ചെയ്തതും പഴയതുമായവയുടെ നമ്പറുകൾ പ്രത്യേകം എടുത്ത് കാണിക്കുന്നുണ്ട്. ഇത് ഉപയോക്താക്കൾക്ക് അതിന്റെ കൃത്യതയെക്കുറിച്ച് വ്യക്തമായി അറിയാൻ സഹായകമാവുന്നു. ട്വീറ്റുകളിൽ വെരിഫൈഡ്, പഴയത് എന്നിവ ആർക്കും അടയാളപ്പെടുത്താൻ കഴിയും. ഇത് കൂടുതൽ വെരിഫൈഡ് ചെയ്ത വിവരങ്ങളെ കൂടുതലായി ആളുകളിൽ എത്തിക്കാൻ സഹായിക്കുന്നു.