സാംസങ് ഗാലക്‌സി ടാബ് എസ് 8 ഉടൻ വിപണിയിലെത്തിയേക്കുമെന്ന് റിപ്പോർട്ടുകൾ

ടാബ് എസ് 7, ടാബ് എസ് 7 + എന്നിവ ഉൾപ്പെടുന്ന ഗാലക്‌സി ടാബ് എസ് 7 സീരീസ് 2020 ഓഗസ്റ്റിൽ സാംസങ് പ്രഖ്യാപിച്ചു. ഇപ്പോൾ, ഈ ദക്ഷിണ കൊറിയൻ ടെക് കമ്പനി അതിൻറെ പിൻഗാമിയായ ടാബ് എസ് 8 സീരീസ് പുറത്തിറക്കാൻ ഒരുങ്ങുന്നതായി റിപ്പോർട്ടുകൾ കാണിക്കുന്നു. യൂട്യൂബറിൻറെ ഒരു ചോർച്ച ഗാലക്‌സി ടാബ് എസ് 8 സീരീസ് ടാബ്‌ലെറ്റുകളുടെ ചില പ്രധാന സവിശേഷതകൾ വെളിപ്പെടുത്തിയിട്ടുണ്ട്. മാത്രമല്ല, വരാനിരിക്കുന്ന ടാബ്‌ലെറ്റുകൾക്ക് അവരുടെ മുൻഗാമികളേക്കാൾ ഏതാനും അപ്‌ഗ്രേഡുകൾ ലഭിക്കുമെന്നും ഇത് വ്യക്തമാക്കുന്നു.

സാംസങ് ഗാലക്‌സി ടാബ് എസ് 8 സീരീസ്: എന്താണ് പ്രതീക്ഷിക്കേണ്ടത്?

ലഭിച്ച വീഡിയോ പ്രകാരം, ഗാലക്സി ടാബ് എസ് 8 ന് 120 ഇഞ്ച് റിഫ്രഷ് റേറ്റിനൊപ്പം 11 ഇഞ്ച് എൽസിഡി പാനൽ ഉണ്ടാകും. ടാബ് എസ് 8, എസ് 8 + എന്നിവയ്ക്ക് പുതിയ സ്നാപ്ഡ്രാഗൺ 888 ചിപ്‌സെറ്റായിരിക്കും മികച്ച പ്രവർത്തനക്ഷമത നൽകുന്നത്. ഗാലക്‌സി ടാബ് എസ് 8 ന്റെ ഫിംഗർപ്രിന്റ് സെൻസർ അതിന്റെ പവർ ബട്ടണുമായി സംയോജിപ്പിക്കുമെന്ന് പറയപ്പെടുന്നു. അതേസമയം ഗാലക്‌സി ടാബ് എസ് 8 + ഇൻ-സ്‌ക്രീൻ ഫിംഗർപ്രിന്റ് സെൻസർ ഉപയോഗിച്ചേക്കാം. ഗാലക്‌സി ടാബ് എസ് 8 + 12.4 ഇഞ്ച് അമോലെഡ് പാനലിനൊപ്പം 120 ഹെർട്സ് റിഫ്രഷ് റേറ്റും നൽകും.

കൂടുതൽ വായിക്കുക: ആമസോൺ വിവോ ഡെയ്‌സ് സെയിൽ 2021ൽ നിങ്ങളുടെ പ്രിയപ്പെട്ട വിവോ സ്മാർട്ട്‌ഫോണുകൾക്ക് മികച്ച ഓഫറുകൾ

ഗാലക്‌സി ടാബ് എസ് 8, ടാബ് എസ് 8 + എന്നിവ യഥാക്രമം 8,000 എംഎഎച്ച്, 10,090 എംഎഎച്ച് ബാറ്ററിയുമായി വിപണിയിൽ വരുന്നു. രണ്ട് ടാബ്‌ലെറ്റുകളും 25W ഫാസ്റ്റ് ചാർജിംഗിനെ സപ്പോർട്ട് ചെയ്യുന്നു. എന്നാൽ, മുൻഗാമിയായ മോഡലുകൾക്ക് 45W ഫാസ്റ്റ് ചാർജിംഗ് സപ്പോർട്ട് ലഭിക്കുന്നു. ഗാലക്‌സി ടാബ് എസ് 8 സീരീസ് ടാബ്‌ലെറ്റുകൾ 8 ജിബി, 12 ജിബി റാം ഓപ്ഷനുകളിലും 128 ജിബി, 256 ജിബി, 512 ജിബി ഇന്റേണൽ സ്റ്റോറേജ് ഓപ്ഷനുകളിലും വരുന്നു.

കൂടുതൽ വായിക്കുക: ഗെയിമിംഗ് ആക്‌സസറികൾക്ക് മികച്ച ഓഫറുകളുമായി ആമസോൺ ഗ്രാൻഡ് ഗെയിമിംഗ് ഡെയ്‌സ് സെയിൽ ആരംഭിച്ചു

അഭ്യൂഹങ്ങൾ ശരിയാണെങ്കിൽ സാംസങ് ഗാലക്‌സി ടാബ് എസ് 8 സീരീസിന്റെ വില അതിൻറെ മുൻഗാമിയുടെ അതേ വില പരിധിയിൽ വരും. ഗാലക്സി ടാബ് എസ് 7, ടാബ് എസ് 7 + എന്നിവയുടെ വിലകൾ ആരംഭിക്കുന്നത് യഥാക്രമം 55,999 രൂപ, 71,999 രൂപ എന്നിങ്ങനെയാണ്. എന്നാൽ, കമ്പനി ഇതുവരെ ഈ വിലകൾ സ്ഥിരീകരിക്കാത്തതിനാൽ ഈ വിവരങ്ങൾ അത്രേ ഗൗരവമായി എടുക്കേണ്ട കാര്യമില്ല.