സ്നാപ്ഡ്രാഗൺ 778 ജി പ്രോസസ്സറുമായി എംഐ 11 ലൈറ്റ് എൻഇ സ്മാർട്ട്ഫോൺ ഉടൻ ഇന്ത്യയിലെത്തും

എംഐ 11 ലൈറ്റ് 5 ജി എഡിഷൻ ഇന്ത്യയിൽ അവതരിപ്പിക്കുവാൻ ഇപ്പോൾ ഷവോമി പദ്ധതിയിടുന്നു. കൂടാതെ, എംഐ 11 ലൈറ്റ് 4 ജി നിർത്തലാക്കുന്നതിനെ കുറിച്ചുള്ള വാർത്തകൾ ഇന്റർനെറ്റിൽ ഇപ്പോൾ തരംഗം സൃഷ്ടിക്കുകയാണ്. എന്നാൽ, എംഐ ലൈറ്റ് 4 ജി ഇന്ത്യയിൽ വിൽപ്പന തുടരുകയാണെന്ന കാര്യം ബ്രാൻഡ് ഇപ്പോൾ സ്ഥിരീകരിച്ചിട്ടുണ്ട്. ഇന്ത്യയിൽ 5 ജി നെറ്റ്‌വർക്ക് ലഭ്യമാകുമ്പോഴേക്കും 5 ജി വേരിയന്റ് എത്തുമെന്ന് കമ്പനി പറഞ്ഞു. ഇപ്പോൾ, എംഐ 11 ലൈറ്റിൻറെ മറ്റൊരു വേരിയന്റ് ബ്രാൻഡ് ഇപ്പോൾ ഇന്ത്യയിൽ അവതരിപ്പിക്കുമെന്ന് റിപ്പോർട്ടുകൾ പറയുന്നു. മാത്രവുമല്ല, ഈ സ്മാർട്ഫോൺ ബിഐഎസ് ഉൾപ്പെടെ ഒന്നിലധികം സർട്ടിഫിക്കേഷൻ അംഗീകാരങ്ങളും കരസ്ഥമാക്കിയിട്ടുണ്ട്.

എംഐ 11 ലൈറ്റ് എൻഇ സ്മാർട്ഫോൺ ഉടൻ ഇന്ത്യയിൽ അവതരിപ്പിക്കും

ലീക്ക്സ്റ്റർ കാക്പെർ സ്ക്രിപെക്കിൻറെ അഭിപ്രായത്തിൽ, എംഐ 11 ലൈറ്റിൻറെ പുതിയ വേരിയന്റ് എംഐ 11 ലൈറ്റ് എൻഇ എന്ന് വിളിക്കും, ഇത് 'ലിസ' എന്ന് രഹസ്യനാമം ഉപയോഗിക്കും. സ്നാപ്ഡ്രാഗൺ 778 ജി ചിപ്‌സെറ്റാണ് ഈ സ്മാർട്ട്‌ഫോണിന് കരുത്തേകുന്നതെന്നും അദ്ദേഹം അവകാശപ്പെടുന്നു. മറുവശത്ത്, മോഡൽ നമ്പർ 2109119DI ഉള്ള സ്മാർട്ട്ഫോൺ ഐഎംഇഐ ഡാറ്റാബേസിൽ കണ്ടെത്തി. പ്രോസസറിന് പുറമേ, വരാനിരിക്കുന്ന സ്മാർട്ട്‌ഫോൺ 5 ജി, എൻ‌എഫ്‌സി സപ്പോർട്ടുമായി കൈമാറുമെന്ന് ഡാറ്റാബേസ് ലിസ്റ്റിംഗ് വെളിപ്പെടുത്തി. എംഐ 11 ലൈറ്റ് എൻഇ സ്മാർട്ട്‌ഫോണിനെക്കുറിച്ച് കൂടുതലൊന്നും ഇതുവരെ ലഭ്യമായിട്ടില്ല.

കൂടുതൽ വായിക്കുക: റെഡ്മിബുക്ക് പ്രോ, റെഡ്മിബുക്ക് ഇ-ലേണിംഗ് എഡിഷൻ ലാപ്ടോപ്പുകൾ ഇന്ത്യൻ വിപണിയിൽ എത്തി

എംഐ 11 ലൈറ്റ് 5 ജി സ്മാർട്ഫോൺ ഇന്ത്യയിൽ ഇതുവരെ പ്രഖ്യാപിച്ചിട്ടില്ലാത്തതിനാൽ, എംഐ 11 ലൈറ്റ് എൻഇ മോണിക്കറിന് കീഴിൽ എംഐ 11 ലൈറ്റ് 5 ജി ബ്രാൻഡ് പുറത്തിറക്കാൻ സാധ്യതയുണ്ട്. ഇത് ശരിയാണെങ്കിൽ ഈ സ്മാർട്ട്ഫോണിന് 90Hz റിഫ്രെഷ് റേറ്റും 512 ജിബി വരെ സ്റ്റോറേജ് എക്സ്പാൻഡ് ചെയ്യുവാനുള്ള ഓപ്ഷനും ഒരു അമോലെഡ് പാനലും ഉണ്ടാകും. ക്യാമറ സെൻസറുകളിൽ 64 എംപി പ്രധാന ലെൻസും 16 എംപി മുൻ ക്യാമറയും ഉൾപ്പെടും. ആൻഡ്രോയ്‌ഡ് 11 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്ന ഈ സ്മാർട്ഫോണിൽ 4,250 എംഎഎച്ച് ബാറ്ററിയാണ് ഉൾപ്പെടുത്തിയിരിക്കുന്നത്. എന്നാൽ, കൂടുതൽ സ്ഥിരീകരണം വരുന്നതുവരെ ഈ വിവരങ്ങളൊന്നും അത്ര ഗൗരവമായി എടുക്കേണ്ട കാര്യമില്ല.

കൂടുതൽ വായിക്കുക: ഗൂഗിൾ ടെൻസർ ചിപ്പ്സെറ്റുമായി പിക്‌സൽ 6, പിക്‌സൽ 6 പ്രോ ഫോണുകൾ വന്നേക്കും

New Xiaomi device (codename #lisa) for 99% will come with Snapdragon 778G.

— Kacper Skrzypek 🇵🇱 (@kacskrz) July 20, 2021

ഈ ചിപ്‌സെറ്റിന് പുറമെ,എംഐ 11 ലൈറ്റ് എൻഇയുടെ മറ്റ് സവിശേഷതകൾ ഇപ്പോഴും വ്യക്തമാക്കിയിട്ടില്ല. അതിനാൽ, ഇപ്പോൾ ഒരു നിഗമനത്തിലും എത്തിച്ചേരാനാകില്ല. മിഡ് റേഞ്ച് സ്മാർട്ട്‌ഫോണുകൾക്ക് കരുത്ത് പകരാൻ ക്വാൽകോം മെയ് മാസത്തിൽ സ്‌നാപ്ഡ്രാഗൺ 778 ജി ചിപ്‌സെറ്റ് പ്രഖ്യാപിച്ചതിനാൽ വരാനിരിക്കുന്ന ഈ സ്മാർട്ട്‌ഫോൺ ഒരു മിഡ് റേഞ്ച് ഓഫറായിരിക്കുമെന്ന് നിസംശയം പറയാം. കൂടാതെ, ക്യാമറ സവിശേഷതകൾ മെച്ചപ്പെടുത്തുമെന്നതിനായി സ്നാപ്ഡ്രാഗൺ 778 ജി SoC പ്രോസസർ വരാനിരിക്കുന്ന ഈ സ്മാർട്ട്‌ഫോണിൽ ഉൾപ്പെടുത്തും, കൂടാതെ നൂതന ക്യാമറ സവിശേഷതകളും ലഭിക്കുന്നതാണ്.

കൂടുതൽ വായിക്കുക: എൽജി ഗ്രാം 17 (2021) ഇലവൻത്ത് ജനറേഷൻ ഇന്റൽ കോർ i7 ലാപ്ടോപ്പ് ഉടൻ ഇന്ത്യയിൽ അവതരിപ്പിക്കും