ആന്‍ഡ്രോയിഡിലെ എം മാര്‍ഷ്‌മെല്ലൊ-യെന്ന് "തീരുമാനമായി"...!

1

ആദ്യത്തെ രണ്ട് പതിപ്പുകള്‍ക്ക് ശേഷമാണ് ഗൂഗിള്‍ മധുരപലഹാരങ്ങളുടെ പേര് നല്‍കുന്ന കീഴ്‌വഴക്കം ആരംഭിച്ചത്.

2

മൂന്നാം പതിപ്പായ ആന്‍ഡ്രോയിഡ് 1.5-ന് കപ്പ്‌കേക്ക് എന്നാണ് ഗൂഗിള്‍ നല്‍കിയത്. ഇംഗ്ലീഷ് അക്ഷരമാലയിലെ മൂന്നാമത്തെ അക്ഷരമായ സി എന്നതില്‍ തുടങ്ങുന്നതുകൊണ്ടായിരുന്നു ഗൂഗിള്‍ ഇത്തരമൊരു പേര് സ്വീകരിച്ചത്.

3

ഡോനറ്റ്, എക്ലയര്‍, ഫ്രോയൊ, ജിഞ്ചര്‍ബ്രഡ്, ഹണികോമ്പ്, ഐസ്‌ക്രീം സാന്‍വിച്ച്, ജെല്ലിബീന്‍, കിറ്റ്കാറ്റ് എന്നിങ്ങനെയാണ് തുടര്‍ന്ന് വന്ന ആന്‍ഡ്രോയിഡ് പതിപ്പുകള്‍ക്ക് ഗൂഗിള്‍ നല്‍കിയത്.

4

ഏറ്റവും ഒടുവിലായി ഇറങ്ങിയ ആന്‍ഡ്രോയിഡ് പതിപ്പിന് എല്‍ എന്ന അക്ഷരത്തില്‍ തുടങ്ങുന്ന ലോലിപോപ്പ് എന്ന പേരാണ് ഗൂഗിള്‍ സ്വീകരിച്ചത്.

5

ലോലിപോപ്പിന് പകരം ഇന്ത്യന്‍ മധുരപലഹാരമായ ലഡുവും ഗൂഗിള്‍ പരിഗണിക്കുകയുണ്ടായി.

6

ആന്‍ഡ്രോയിഡ് എം വീഡിയോയില്‍ പതിവ് പച്ച നിറത്തില്‍ നിന്ന് മാറി ആന്‍ഡ്രോയിഡ് ചിഹ്നം വെളള നിറത്തിലാക്കിയത് മാര്‍ഷ്‌മെല്ലൊ എന്ന് പേരിടാനാണെന്ന് നിരീക്ഷകര്‍ ചൂണ്ടിക്കാട്ടിയിരുന്നു.

7

അമേരിക്കയില്‍ സുലഭമായി കിട്ടുന്ന പഞ്ചസാരയുടെ അംശം കൂടുതലുളള മധുരപലഹാരമാണ് മാര്‍ഷ്‌മെല്ലൊ.

8

മാര്‍ഷ്‌മെല്ലൊ എന്ന പേര് സ്ഥിരീകരിക്കുന്നതിന് മുന്‍പ് ആന്‍ഡ്രോയിഡിലെ എം എന്തായിരിക്കുമെന്ന് ചോദിച്ച് ഗൂഗിള്‍ ഇറക്കിയ വീഡിയോ കൂടെ കൊടുക്കുന്നു.