കുറച്ച് അധികം പോരാളികൾ കളത്തിലിറങ്ങുന്നു! അടുത്തയാഴ്ച ഇന്ത്യയിൽ അവതരിപ്പിക്കുന്ന സ്മാർട്ട്ഫോണുകൾ ഇവയൊക്കെ...

ജൂലൈ ആദ്യ വാരത്തിൽ, ഉയർന്ന നിലവാരമുള്ള മോട്ടറോള Razr50 അൾട്രാ മുതൽ എൻട്രി ലെവൽ റിയൽമി C63, C61 വരെ ഒന്നിലധികം ലോഞ്ചുകൾക്ക് നമ്മൾ സാക്ഷ്യം വഹിച്ചു. എന്നിരുന്നാലും, CMF ഫോൺ 1, ഓപ്പോ റെനോ 12 സീരീസ്, മോട്ടോ G85, സാംസങ് ഗാലക്‌സി Z ഫോൾഡ് 6, ഗാലക്‌സി Z ഫ്ളിപ് 6 എന്നിവയും മറ്റും ഉൾപ്പെടെ ഏറ്റവും കൂടുതൽ കാത്തിരിക്കുന്ന ചില ഉപകരണങ്ങളുടെ ലോഞ്ചിന് ആണ് ഇനി നമ്മൾ സാക്ഷ്യം വഹിക്കാൻ പോകുന്നത്. അതുകൊണ്ട് തന്നെ ആവേശം അൽപ്പം കൂടുതലാണ്. അടുത്തയാഴ്ച ഇന്ത്യയിൽ അവതരിപ്പിക്കുന്ന സ്മാർട്ട്ഫോണുകൾ ഏതൊക്കെയെന്ന് നോക്കാം.

CMF ഫോൺ 1: CMF ഫോൺ 1 ജൂലൈ 8ന് ഇന്ത്യയിൽ അവതരിപ്പിക്കുമെന്ന് സ്ഥിരീകരിച്ചു. വരാനിരിക്കുന്ന സ്മാർട്ട്‌ഫോണിൻ്റെ ക്യാമറ വിശദാംശങ്ങൾ ബ്രാൻഡ് അടുത്തിടെ സ്ഥിരീകരിച്ചു. കൂടാതെ, CMF ഫോൺ 1ന് വേണ്ടി ഒരു സമർപ്പിത മൈക്രോസൈറ്റ് ഫ്ലിപ്പ്കാർട്ടിൽ ലൈവ് ആയിട്ടുണ്ട്. ഇത് ഔദ്യോഗിക ലോഞ്ചിന് മുമ്പായി സവിശേഷതകളും ലഭ്യതയും സ്ഥിരീകരിക്കുന്നു. ഇന്ത്യയിൽ ഫോൺ 20,000 രൂപയിൽ താഴെ വരുമെന്നും സൂചനയുണ്ട്.

റെഡ്മി 13 5ജി: റെഡ്മി 13 5ജി ജൂലൈ 9ന് ഇന്ത്യയിൽ ലോഞ്ച് ചെയ്യുന്നു. ഇത് ആമസോൺ വഴി വിൽപ്പനയ്‌ക്കെത്തുമെന്ന് സ്ഥിരീകരിച്ചു. കൂടാതെ 15,000 രൂപയിൽ താഴെ വിലയിൽ വരുമെന്ന് സൂചനയുണ്ട്. വരാനിരിക്കുന്ന റെഡ്മി 13 5Gയെ കുറിച്ച് കൂടുതലറിയാൻ ഞങ്ങളുടെ മുൻ സ്റ്റോറി പരിശോധിക്കാവുന്നതാണ്.

ടെക്‌നോ സ്പാർക്ക് 20 പ്രോ 5ജി: ടെക്‌നോ സ്പാർക്ക് 20 പ്രോ 5ജി ജൂലൈ 9ന് ഔദ്യോഗികമാകുമെന്ന് സ്ഥിരീകരിച്ചു. ആമസോൺ വരാനിരിക്കുന്ന സ്മാർട്ട്‌ഫോണിനായി ഒരു ലാൻഡിംഗ് പേജ് കൊണ്ടുവന്നിട്ടുണ്ട്. ഇത് ഡിസൈനും അതിൻ്റെ 108 എംപി ട്രിപ്പിൾ ക്യാമറകളും സ്ഥിരീകരിക്കുന്നു. സ്പാർക്ക് 20 പ്രോ 5ജി ഇതിനകം ആഗോള വിപണിയിൽ ലഭ്യമാണ്. ഇതിന് FHD+ റെസല്യൂഷനോട് കൂടിയ 6.78 ഇഞ്ച് LCD പാനലും മീഡിയടെക് ഡൈമൻസിറ്റി 6080 SoC ഉണ്ട്.

മോട്ടോ G85 5ജി: ജൂലൈ 10ന് മോട്ടോ G85 5ജി രാജ്യത്ത് അവതരിപ്പിക്കാനുള്ള ഒരുക്കത്തിലാണ് മോട്ടറോള. ഒരു സമർപ്പിത മൈക്രോസൈറ്റ് ഇതിനകം തത്സമയമായിരിക്കുന്ന ഫ്ലിപ്പ്കാർട്ട് വഴി ഈ സ്മാർട്ട്‌ഫോൺ വാങ്ങാൻ ലഭ്യമാകും. 20,000 രൂപയിൽ താഴെയാണ് ഫോണിൻ്റെ വില പ്രതീക്ഷിക്കുന്നത്. വരാനിരിക്കുന്ന മോട്ടോ G85 5ജിയുടെ വിശദമായ സവിശേഷതകൾ അറിയാൻ ഇവിടെ ക്ലിക്ക് ചെയ്യുക.

ലാവ ബ്ലേസ് എക്‌സ്: ലാവ ബ്ലേസ് എക്‌സ് എന്ന പേരിൽ മറ്റൊരു ബ്ലേസ് സീരീസ് സ്മാർട്ട്‌ഫോൺ ജൂലൈ 10ന് ലാവ ഇന്ത്യയിൽ അവതരിപ്പിക്കുന്നു. ഒരു വളഞ്ഞ ഡിസ്‌പ്ലേയും ഡ്യുവൽ റിയർ ക്യാമറ സിസ്റ്റവും സ്മാർട്ട്‌ഫോണിൻ്റെ സവിശേഷതയാണെന്ന് സ്ഥിരീകരിച്ചു. വരാനിരിക്കുന്ന ലാവ ബ്ലേസ് എക്‌സ്നെ കുറിച്ച് കൂടുതലറിയാൻ ഇവിടെ ക്ലിക്ക് ചെയ്യുക.

സാംസങ് ഗാലക്‌സി Z ഫോൾഡ് 6, സാംസങ് ഗാലക്‌സി Z ഫ്ലിപ് 6: ഗാലക്‌സി Z ഫോൾഡ് 6, ഗാലക്‌സി Z ഫ്ലിപ് 6 എന്നിവ ജൂലായ് 10ന് നടക്കുന്ന അൺപാക്ക്ഡ് ഇവൻ്റിൽ അവതരിപ്പിക്കാൻ ഒരുങ്ങുകയാണ് സാംസങ്. ഗാലക്‌സി ഫോൾഡബിൾ ഫോണുകൾക്കുള്ള മുൻകൂർ റിസർവേഷനുകൾ ഇന്ത്യയിൽ ലഭ്യമാണ്. ഗാലക്‌സി Z ഫോൾഡ് 6, ഗാലക്‌സി Z ഫ്ലിപ് 6 എന്നിവയുടെ സവിശേഷതകൾ പരിശോധിക്കാൻ ഇവിടെ ക്ലിക്ക് ചെയ്യുക.

സാംസങ്ങിൻ്റെ ഗാലക്‌സി അൺപാക്ക്ഡ് ഇവൻ്റ് ജൂലൈ 10ന് പാരീസിൽ നടക്കും. ആ ഇവന്റിൽ ഫോൾഡബിൾ ഫോണുകൾക്കൊപ്പം നിരവധി മറ്റ് സാംസങ് ഉപകരണങ്ങൾ പ്രഖ്യാപിക്കും എന്ന് പ്രതീക്ഷിക്കുന്നു. ഇന്ത്യൻ ലഭ്യതയെ കുറിച്ച് ലോഞ്ച് ചെയ്ത അതേ ദിവസം തന്നെ പ്രഖ്യാപിക്കുമെന്ന് ആണ് കരുതുന്നത്.

ഓപ്പോ റെനോ സീരീസ്: റെനോ 12 , റെനോ 12 പ്രോ എന്നിവ ജൂലൈ 12ന് ഇന്ത്യയിൽ അവതരിപ്പിക്കും. ലോഞ്ചിന് ശേഷം രണ്ട് മോഡലുകളും ഫ്ലിപ്പ്കാർട്ട് വഴി വിൽപ്പനയ്‌ക്കെത്തും. അവ നിരവധി എഐ ഫീച്ചറുകൾ ഉപയോഗിക്കാൻ സാധിക്കുന്ന ഫോൺ ആണ്. അതേ കുറിച്ച് കൂടുതലറിയാൻ നിങ്ങൾക്ക് ഞങ്ങളുടെ മുമ്പത്തെ സ്റ്റോറി പരിശോധിക്കാം.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.