വോഡാഫോൺ ഉപഭോക്താക്കൾക്ക് 209 രൂപയുടെ പ്ലാനിലൂടെ ഇനി കൂടുതൽ ഡാറ്റ

മാറ്റം വരുത്തിയ 209 രൂപയുടെ പ്ലാനിൽ FUP ലിമിറ്റ് ഇല്ലാതെ അൺലിമിറ്റഡ് സൌജന്യ കോളുകളും ലഭിക്കും. ഇതുകൂടാതെ പ്ലാൻ ഉപഭോക്താക്കൾക്ക് 100 എസ്എംഎസ് ദിവസവും ലഭ്യമാക്കുന്നുണ്ട്. 250 രൂപയിൽ താഴെയുള്ള നാല് അൺലിമിറ്റഡ് പ്ലാനുകളാണ് വോഡാഫോൺ ഉപഭോക്താക്കൾക്കായി നിലവിലുള്ളത്. അൺലിമിറ്റഡ് എസ്ടിഡി കോളുകളും നാഷണൽ റോമിങ്ങും 28 ദിവസത്തെ കാലാവധിയിൽ ലഭിക്കുന്ന 169 രൂപയുടെ പ്ലാനാണ് ഇതിൽ ആദ്യത്തേത്.

199 രൂപയുടെ പ്ലാനിൽ ഉപഭോക്താവിന് ദിവസവും 1.5 ജിബി 2ജി/3ജി/4ജി ഡാറ്റയും അൺലിമിറ്റഡ് കോളുകളും 100 എസ്എംഎസുകളും 28 ദിവസത്തേക്ക് ലഭിക്കും. 229 രൂപയുടെ പ്ലാനിൽ 2ജിബി ഡാറ്റ ദിവസവും ലോക്കൽ എസ്ടിഡി റോമിങ് ഉൾപ്പെടെ അൺലിമിറ്റഡ് കോളുകളും 28 ദിവസത്തേക്ക് ലഭിക്കും. എയർടെലും 250 രൂപയിൽ താഴെയുള്ള നിരക്കിൽ മൂന്ന് പ്ലാനുകൾ അവതരിപ്പിക്കുന്നുണ്ട്. 169 രൂപ, 199 രൂപ, 249 രൂപ എന്നീ നിരക്കുകളിലാണ് എയർടെലിൻറെ പ്ലാനുകൾ

വോഡാഫോൺ തങ്ങളുടെ മറ്റൊരു പ്ലാൻ കൂടി പുതുതായി അവതരിപ്പിച്ചിട്ടുണ്ട്. 59 രൂപയുടെ ഈ പ്ലാനിൽ ദിവസവും 1ജിബി ഡാറ്റ ലഭ്യമാകും 28 ദിവസമാണ് പ്ലാനിൻറെ കാലാവധി. 7ജിബി ഡാറ്റയാണ് മൊത്തത്തിൽ ഉപഭോക്താവിന് ലഭിക്കുക. ഇതുകൂടാതെ മറ്റ് ആനുകൂല്യങ്ങളൊന്നും തന്നെ ഈ പ്ലാനിനൊപ്പം ലഭിക്കുന്നില്ല. അത്യാവശ്യ ഘട്ടത്തിൽ കൂടുതൽ ഡാറ്റ ആവശ്യമുള്ള ആളുകൾക്ക് പ്രയോജനപ്പെടുന്ന പ്ലാനാണ് ഇത്.

വോഡാഫോൺ അടുത്തിടെയായി തങ്ങളുടെ പ്ലാനുകൾ പുതുക്കുകയും പുതിയവ അവതരിപ്പിക്കുകയും ചെയ്യുന്നുണ്ട്. മറ്റ് ടെലിക്കോം ഓപ്പറേറ്റർമാരുടേതിന് സമാനമായ പ്ലാനുകളിൽ ചെറിയ മാറ്റങ്ങൾ വരുത്തി ഉപഭോക്താവിനെ ആകർഷിക്കാനാണ് വോഡാഫോൺ പദ്ധതിയിടുന്നത്. വിപണിയിലെ പ്രധാന എതിരാളികളായ ജിയോയും എയർടെലും നൽകുന്നതിനേക്കാൾ അധിക്കം പ്രീപെയ്ഡ് പ്ലാൻ ഓപ്ഷനുകളാണ് വോഡാഫോൺ ഉപഭോക്താക്കൾക്ക് നൽകുന്നത്.