ഡിജിഫ് ളിപ് പ്രൊ XT712 ടാബ്ലറ്റ്; മിതമായ വിലയില്‍ ഒരു ശരാശരി ടാബ്ലറ്റ്

#1

9,999 രൂപ വിലയില്‍ ലഭിക്കാവുന്ന മികച്ച ഡിസ്‌പ്ലെയാണ് ഈ ടാബ്ലറ്റില്‍ ഉള്ളത്. 7 ഇഞ്ച് ആണ് സ്‌ക്രീന്‍ സൈസ്. 1280-800 പിക്‌സല്‍ റെസല്യൂഷന്‍ തരക്കേടില്ലാത്ത തെളിച്ചം സ്‌ക്രീനിനു നല്‍കും. അടുത്തിടെ ലോഞ്ച് ചെയ്ത അസുസഎ ഫോണ്‍ പാഡ് 7 ഡ്യുവലിനേക്കാള്‍ മികച്ചതാണ് ഡിസ്‌പ്ലെ എന്നതില്‍ തര്‍ക്കവുമില്ല.

#2

ഓപ്പറേറ്റിംഗ് സിസ്റ്റം മികച്ചതാണെന്ന് ഒരിക്കലും പറയാന്‍ കഴിയില്ല. ആന്‍ഡ്രോയ്ഡ് 4.2 ജെല്ലിബീന്‍ ആണ്. അതുകൊണ്ടുതന്നെ കസ്റ്റമൈസേഷന്‍ ഓപ്ഷനുകളൊന്നും ലഭ്യമാവില്ല. അതേസമയം ഫ് ളിപ്കാര്‍ട്ടിന്റെ ഷോപ്പിംഗ് ആപ്ലിക്കേഷന്‍ ഇന്‍ബില്‍റ്റായിത്തന്നെ ടാബ്ലറ്റില്‍ ഉണ്ട്.

#3

5 എം.പി പ്രൈമറി ക്യാമറയും 2 എം.പി ഫ്രണ്ട് ക്യാമറയുമാണ് ഡിജിഫ് ളിപ് ടാബ്ലറ്റിനുള്ളത്. LED ഫ് ളാഷുമുണ്ട്. ക്യാമറയുടെ കാര്യത്തില്‍ ശരാശരിയില്‍ കൂടുതല്‍ പ്രതീക്ഷിക്കാതിരിക്കുന്നതാണ് നല്ലത്. എങ്കിലും കുറഞ്ഞ വെളിച്ചത്തിലും മികച്ച ചിത്രങ്ങള്‍ എടുക്കാന്‍ കഴിയുന്നുണ്ട്.

#4

1.3 GHz ക്വാഡ്‌കോര്‍ കോര്‍ടെക്‌സ് A7 മീഡിയടെക് പ്രൊസസറാണ് ടാബ്ലറ്റിലുള്ളത്. 1 ജി.ബി. റാം, 16 ജി.ബി. ഇന്റേണല്‍ മെമ്മറി, 32 ജി.ബി. എക്‌സ്പാന്‍ഡബിള്‍ മെമ്മറി എന്നിവയാണ് ഹാര്‍ഡ്‌വെയര്‍ സംബന്ധിച്ച മറ്റു പ്രത്യേകതകള്‍. പലപ്പോഴും ആപ്ലിക്കേഷനുകള്‍ തുറക്കാന്‍ താമസം എടുക്കുന്നതായി അനുഭവപ്പെടുന്നുണ്ട് എന്നത് ന്യൂനതയാണ്.

#5

ഡ്യുവല്‍ സിം സപ്പോര്‍ട് ചെയ്യുന്ന ടാബ്ലറ്റില്‍ 3 ജി, വൈ-ഫൈ, ബ്ലുടൂത്ത്, ജി.പി.എസ്, യു.എസ്.ബി എന്നിവയാണ് കണക്റ്റിവിറ്റി ഓപ്ഷനുകള്‍.

#6

3000 mAh ബാറ്ററിയാണ് ഡിജിഫ് ളിപ് ടാബ്ലറ്റില്‍ ഉള്ളത്. സമാന വിലയില്‍ ഉള്ള മറ്റു ടാബ്ലറ്റുകളുമായി തട്ടിച്ചു നോക്കിയാല്‍ അത്ര മികച്ചതാണ് ഇതെന്ന് പറയാനാവില്ല.

#7

കാഴ്ചയ്ക്ക് മികച്ചതും സാങ്കേതികമായി ശരാശരി നിലവാരമുള്ളതുമായ ഒരു ടാബ്ലറ്റാണ് ഡിജിഫ് ളിപ് പ്രൊ XT712. വിലയുമായി തട്ടിച്ചു നോക്കിയാല്‍ മോശമാണെന്ന് ഒരിക്കലും പറയാന്‍ കഴിയില്ല.