വണ്‍പ്ലസ് 7T എന്ന് ഇന്ത്യയിലെത്തും?

വണ്‍പ്ലസ് 7T ഒക്ടോബര്റിൽ

പുറത്തുവരുന്ന വിവരങ്ങള്‍ ശരിയാണെങ്കില്‍ വണ്‍പ്ലസ് 7T ഒക്ടോബര്‍ 15-ന് പുറത്തിറങ്ങും. അമേരിക്കയിലും യൂറോപ്യന്‍ വിപണിയിലുമായിരിക്കും ഫോണ്‍ ആദ്യമെത്തുക. ഇതിന് മുമ്പ് ഫോണ്‍ ഇന്ത്യന്‍ വിപണിയില്‍ എത്തുമെന്ന് സൂചനയുണ്ട്. സെപ്റ്റംബര്‍ 26-ന് വണ്‍പ്ലസ് 7T ഇന്ത്യയില്‍ പുറത്തിറങ്ങുമെന്ന് പറയപ്പെടുന്നു. എന്നാല്‍ എന്നുമുതല്‍ ഫോണിന്റെ വില്‍പ്പന ആരംഭിക്കുമെന്ന കാര്യത്തില്‍ വ്യക്തതയില്ല.

ക്വാല്‍കോം സ്‌നാപ്ഡ്രാഗണ്‍ 855+

വണ്‍പ്ലസിന്റെ T ശ്രേണിയെ കുറിച്ച് ഇതിനോടകം നിരവധി ചോദ്യങ്ങള്‍ ഉയര്‍ന്നുകഴിഞ്ഞു. പുതിയ ശ്രേണിയില്‍ ഈ വര്‍ഷം രണ്ട് ഫോണ്‍ പുറത്തിറങ്ങുമോ അതോ ഒന്നുകൊണ്ട് തൃപ്തിപ്പെടേണ്ടി വരുമോ എന്നറിയാന്‍ കാത്തിരിക്കുകയാണ് ആരാധകര്‍. ക്വാല്‍കോം സ്‌നാപ്ഡ്രാഗണ്‍ 855+ ല്‍ കൂടുതലൊന്നും പുതിയ ഫോണില്‍ നിന്ന് പ്രതീക്ഷിക്കേണ്ടതില്ലെന്ന് പറയപ്പെടുന്നു.

വണ്‍പ്ലസ് 7 ൻറെ പിൻഗാമി

6.6 ഇഞ്ച് QHD+ AMOLED സ്‌ക്രീന്‍, ക്വാല്‍കോം സ്‌നാപ്ഡ്രാഗണ്‍ 855 പ്രോസസ്സര്‍, 6GB/8GB/12GB റാം, 128 GB/256GB UFS 3.0 സ്‌റ്റോറേജ് എന്നിവയാണ് വണ്‍പ്ലസ് 7-ല്‍ ഉണ്ടായിരുന്നത്. പിന്നില്‍ 48MP+8MP ടെലിഫോട്ടോ ലെന്‍സ്, 16MP അള്‍ട്രാ വൈഡ് ക്യാമറ എന്നിവയുണ്ട്. മുന്നില്‍ 16MP പോപ്അപ്പ് ക്യാമറയാണുള്ളത്. 30W വാര്‍പ് ചാര്‍ജിംഗോട് കൂടിയ 4000 mAh ബാറ്ററിയാണ് ഫോണിന്റെ ശക്തികേന്ദ്രം. 48999 രൂപ മുതല്‍ 52999 രൂപ വരെയാണ് വണ്‍പ്ലസ് 7-ന്റെ വില.