''എന്റെ ആമസോൺ അ‌മ്മച്ചീ... എന്തൊക്കെയാ ഈ ഇന്ത്യക്കാർക്ക് അ‌റിയേണ്ടത്?'' അ‌ലക്സയെ വലച്ച ചോദ്യങ്ങൾ!

ഇത്തരം ആളുകൾക്കൊക്കെ പറ്റിയ കക്ഷിയാണ് അ‌ലക്സ എന്ന് പറഞ്ഞാലും തെറ്റില്ല. അലക്‌സാ സ്വിച് ഓണ്‍ ദി ലൈറ്റ്, അലക്‌സാ സ്വിച് ഓണ്‍ ദി ഫാന്‍, അലക്‌സാ വാട് ഇസ് ദി വെതര്‍ ലൈക് ടുഡേ, അലക്‌സാ പ്ലേ എ സോങ് തുടങ്ങി പറയുന്ന കാര്യങ്ങളെല്ലാം അ‌നുസരണയോടെ നിർവഹിക്കുന്ന അ‌ലക്സ് വീടിനെ സ്മാർട്ട് വീടാക്കാൻ മിടുമിടുക്കിയാണ്. ഒരു യന്ത്രം നമ്മുടെ ചോദ്യങ്ങളോട് പ്രതികരിക്കുന്നതിൽ കുറച്ച് കൗതുകമൊക്കെയുണ്ട്. ഈ കൗതുകം കൊണ്ടാകാം വിചിത്രമായ നിരവധി ചോദ്യങ്ങളാണ് അ‌ലക്സ ദിവസവും നേരിട്ടുകൊണ്ടിരിക്കുന്നത്.

നമ്മുടെ നാട്ടുകാർക്ക് കാര്യങ്ങൾ അ‌റിയുന്നതിൽ കൗതുകം ലേശം കൂടുതലാണ് എന്ന് പ്രത്യേകം പറയേണ്ടതില്ലല്ലോ. അ‌പ്പോൾ പിന്നെ അ‌ലക്സ പോലെയൊരു സംവിധാനത്തോട് 'കൊനഷ്ട്' പിടിച്ച ചോദ്യങ്ങൾ ​ചോദിച്ചില്ലെങ്കിലേ അ‌ദ്ഭുതമുള്ളൂ. കഴിഞ്ഞ വർഷം അ‌ലക്സ ഇന്ത്യക്കാരിൽനിന്ന് നേരിട്ട വിചിത്രമായ ചില ​ചോദ്യങ്ങളുടെ പട്ടിക ആമസോൺ പുറത്തുവിട്ടിരിക്കുകയാണ്. ഈ പട്ടിക പ്രകാരം ഏറ്റവുമധികം ഇന്ത്യക്കാർ അ‌ലക്സയോട് ​ചോദിച്ച വിചിത്ര ചോദ്യം ബോളിവുഡ് താരം സൽമാൻ ഖാന്റെ കാമുകി ആരാണ് എന്നതായിരുന്നു.

50 നഗരങ്ങൾക്കൊപ്പം ആലപ്പുഴയും...; കേരളത്തിൽ ജിയോ ട്രൂ 5G ലഭിക്കുന്ന നഗരങ്ങൾ എതൊക്കെയാണെന്ന് അറിയാമോ

ഇന്ത്യക്കാരുടെ കൗതുകവും ചോദ്യങ്ങളും അ‌വിടം കൊണ്ട് തീരുന്നില്ല, "സൽമാൻ ഖാൻ എപ്പോഴാണ് വിവാഹം കഴിക്കുക?" "സൽമാൻ ഖാൻ എവിടെയാണ് താമസിക്കുന്നത്?" എന്നിങ്ങനെ നീണ്ടുപോകുന്നു ഉപയോക്താക്കളുടെ സംശയങ്ങൾ. ഇതുകൂടാതെ "അലക്സാ, നിങ്ങളുടെ വായ എവിടെ?", "എന്റെ ഗൃഹപാഠം ചെയ്യാൻ കഴിയുമോ?" "നിങ്ങൾക്ക് ഒരു ഭർത്താവുണ്ടോ? എന്നിങ്ങനെയുള്ള ചോദ്യങ്ങളും അ‌ലക്സ പോയവർഷം നേരിട്ടു എന്ന് ആമസോൺ വെളിപ്പെടുത്തുന്നു.

2022 ജനുവരിക്കും 2022 ഡിസംബറിനുമിടയിൽ ഇന്ത്യക്കാർ ചോദിച്ച ചോദ്യങ്ങളാണ് ഇപ്പോൾ പുറത്തുവന്നിരിക്കുന്നത്. പൊതുവിജ്ഞാനം, സ്പോർട്സ് തുടങ്ങി നിരവധി വിഷയങ്ങളുമായി ബന്ധപ്പെട്ടുള്ള നല്ല ചോദ്യങ്ങളും അ‌ലക്സ നേരിട്ടു. ഇന്ത്യക്കാർ അ‌ലക്സയോട് ചോദിച്ച ചില ​ചോദ്യങ്ങളിൽ ചിലത് ഇവിടെ പങ്കുവയ്ക്കാം. അ‌ലക്സ കഴിഞ്ഞ വർഷം ഏറ്റവും കൂടുതൽ നേരിട്ട ചോദ്യങ്ങളിൽ പ്രധാനപ്പെട്ടതും കൗതുകകരവുമായ ചില ചോദ്യങ്ങൾ ഇതാ.

അ‌ന്വേഷിപ്പിൻ കണ്ടെത്തും, വലിക്കുവിൻ അ‌യയ്ക്കപ്പെടും; പുതിയ ഫീച്ചറുള്ളവർക്ക് വാട്സ്ആപ്പിൽ സമാധാനം!

ബുർജ് ഖലീഫയുടെ ഉയരം മുതൽ സ്വർണ്ണ വില വരെ!

ഠ"അലെക്സാ, ബുർജ് ഖലീഫയുടെ ഉയരം എന്താണ്?"
ഠ"അലക്സാ, ഭൂമിയിലെ ഏറ്റവും ഉയരം കൂടിയ മനുഷ്യൻ ആരാണ്?"
ഠ"അലക്സാ, ലോകത്തിലെ ഏറ്റവും വലിയ രണ്ടാമത്തെ ധനികൻ ആരാണ്?"
ഠ"അലക്സാ, ശ്രീലങ്കയുടെ ഭാഷ എന്താണ്?"
ഠ"അലക്സാ, അന്യഗ്രഹ ജീവികൾ ഉണ്ടോ?"
ഠ"അലക്സാ, ആരാണ് ട്വിറ്ററിന്റെ സ്ഥാപകൻ?"
ഠ"അലക്സാ, എലോൺ മസ്‌കിന്റെ ആസ്തി എത്രയാണ്?"

ഠ "അലക്സാ, ബിറ്റ്കോയിന്റെ വില എന്താണ്?"
ഠ "അലെക്സാ, ഇന്നത്തെ സ്വർണ്ണ വില എന്താണ്?"
ഠ "അലക്സാ, എന്തുകൊണ്ടാണ് വെള്ളം നനഞ്ഞിരിക്കുന്നത്?"

ചില സെലിബ്രിറ്റി ചോദ്യങ്ങൾ

ഠ "അലക്സാ, ആലിയ ഭട്ടിന്റെ വയസ്സെത്ര?"
ഠ "അലക്സാ, അനുഷ്ക ശർമ്മയുടെ കുഞ്ഞിന്റെ പേരെന്താണ്?"
ഠ "അലക്സാ, ആരാണ് മിസ്റ്റർ ബീസ്റ്റ്?"
ഠ "അലക്സാ, ജോൺ സീന എത്ര ശക്തനാണ്?"
ഠ "അലക്സാ, ആരാണ് വിജയ് ദേവരകൊണ്ട?"
ഠ "അലക്സാ, ആരാണ് ദുഗ്ഗു?"
ഠ "അലക്സാ, കെൻഡൽ ജെന്നറിന് എത്ര വയസ്സായി?"
ഠ"അലക്സാ, ഹാരി രാജകുമാരന് എത്ര വയസ്സായി?"
ഠ "അലക്സാ, കത്രീന കൈഫിന്റെ ഉയരം എന്താണ്?"
ഠ "അലക്സാ, രശ്മിക മന്ദാനയെ കുറിച്ച് പറയൂ"

ഒരു മര്യാദയൊക്കെ വേണ്ടേ? സെക്യൂരിറ്റി ഡെപ്പോസിറ്റ് കണ്ടുകെട്ടിയ ബിഎസ്എൻഎല്ലിന് 10 ലക്ഷം രൂപ പിഴ

ചോട്ടാ ഭീം, റോക്കി ഭായ്...

ഠ"അലക്സാ, നിനക്ക് ചോട്ടാ ഭീമിനെ അറിയാമോ?"
ഠ"അലെക്സാ, ആരാണ് റോക്കി ഭായ്?"
ഠ"അലക്സാ, മിക്കി മൗസിന് എത്ര വയസ്സായി?"
ഠ"അലക്സാ, ആരാണ് ലാൽ സിംഗ് ചദ്ദ?"
ഠ"അലക്സാ, ആരാണ് ലിറ്റിൽ സിങ്കം?"

ചില പാചക പരീക്ഷണങ്ങൾ...

ഠ"അലക്സാ, എന്താണ് ചിക്കൻ കറിയുടെ പാചകക്കുറിപ്പ്?"
ഠ"അലെക്സാ, എങ്ങനെ ബുറിറ്റോസ് ഉണ്ടാക്കാം?"

ഠ"അലക്സാ, പനീർ ബട്ടർ മസാല എങ്ങനെ പാചകം ചെയ്യാം"
ഠ"അലക്സാ, എങ്ങനെ ദോശ ഉണ്ടാക്കാം"
ഠ"അലക്സാ, ബ്രൗൺ റൈസ് കൊണ്ട് ചിക്കൻ ബിരിയാണി എങ്ങനെ ഉണ്ടാക്കാം?"
ഠ"അലക്സാ, ഉടുപ്പി സാമ്പാറിന്റെ റെസിപ്പി തരൂ"

കളിയറിയാനും അ‌ലക്സ!

ഠ"അലക്സാ, എന്താണ് സ്കോർ?"
ഠ"അലെക്സാ, ഇന്നത്തെ മാൻ ഓഫ് ദ മാച്ച് ആരാണ്?"
ഠ"അലെക്സാ, ഹാർദിക് പാണ്ഡ്യ എത്ര റൺസ് നേടി?"

എന്തോ.. എന്നെ ഇഷ്ടമാണ് ആളുകൾക്ക്!! ജിയോയുടെ ഏറ്റവും പോപ്പുലറായ പ്രീപെയ്ഡ് റീചാർജ് പ്ലാനുകൾ | Jio

ഠ"അലക്സാ, ആരാണ് എംബാപ്പെ?"
ഠ"അലെക്സാ, ഫുട്ബോളിൽ എന്താണ് ഓഫ്സൈഡ്?"
ഠ"അലെക്സാ, ആരാണ് ഏറ്റവും ധനികനായ ഫുട്ബോൾ താരം?"
ഠ"അലക്സാ, റൊണാൾഡോ, മെസ്സി എന്നിവരിൽ ആരാണ് മികച്ചത്?"

വല്ലാത്ത ചിന്ത തന്നെ!

ഠ "അലക്സാ, നിന്റെ വായ എവിടെ?"
ഠ"അലക്സാ, നീ എനിക്കായി എന്റെ ഗൃഹപാഠം ചെയ്യാമോ?"

ഠ"അലക്സാ, എനിക്ക് ഒരു കാമുകിയെ വേണം"
ഠ"അലക്സാ, നീ അമാനുഷികതയിൽ വിശ്വസിക്കുന്നുണ്ടോ?"
ഠ "അലക്സാ, നീ എപ്പോഴെങ്കിലും വികൃതി കാണിച്ചിട്ടുണ്ടോ?"

എന്നിങ്ങനെ പോകുന്നു അ‌ലക്സയ്ക്ക് നേരേയുള്ള ഇന്ത്യക്കാരുടെ ചോദ്യ ശരങ്ങൾ. ആമസോൺ പുറത്തുവിട്ട പട്ടികയിലെ ഏതാനും ചോദ്യങ്ങൾ മാത്രമാണിത്. ഇതിനെക്കാൾ വിചിത്രമായ പല ചോദ്യങ്ങളും പട്ടികയിലുണ്ട്.

വിമാനയാത്രികർക്ക് ശവക്കുഴി തോണ്ടുമോ? എയർപോർട്ട് പരിസരത്തെ 5ജിയിൽ വിശദപഠനത്തിന് ടെലിക്കോം വകുപ്പ്