സോണിയുടെ പുതിയ തുരുപ്പ് ചീട്ട് എക്‌സ്പീരിയ ഇസഡ്4 എത്തി...!

സോണി പുതിയ ഫ്‌ളാഗ്ഷിപ് മോഡല്‍ ഇറക്കി. എക്‌സ്പീരിയ ഇസഡ്4 ആണ് സോണിയുടെ പുതിയ തുരുപ്പ് ചീട്ട്.

ജപ്പാനിലാണ് ഈ ഫോണ്‍ ആദ്യം എത്തുക. എന്നാല്‍ ഫോണിന്റെ ആഗോള പ്രകാശനം എന്നുണ്ടാകുമെന്ന് കമ്പനി വ്യക്തമാക്കിയിട്ടില്ല.

5.2 ഇഞ്ചാണ് ഫോണിന്റെ സ്‌ക്രീന്‍ വലിപ്പം. പൂര്‍ണ്ണ എച്ച്ഡി ഡിസ്‌പ്ലേയുള്ള ഫോണിന്റെ കനം 6.9എംഎം ആണ്, തൂക്കം 144 ഗ്രാമാണ്.

ഡിസ്‌പ്ലേ റെസല്യൂഷന്‍ 1920 X 1080 പിക്‌സലുകളാണ്. ഡെസ്റ്റ്, വാട്ടര്‍ പ്രൂഫ് സവിശേഷതയില്‍ നിര്‍മ്മിച്ചെടുത്തതാണ് ഫോണ്‍. 20.7 പിന്‍ ക്യാമറയും, 5 എംപി മുന്‍ ക്യാമറയുമാണ് ഫോണിനുള്ളത്.

2,930 എംഎഎച്ചിന്റേതാണ് ബാറ്ററി. 64 ബിറ്റ് കോല്‍കോം സ്‌നാപ്ഡ്രാഗണ്‍ 810 പ്രോസസ്സറിലാണ് ഫോണ്‍ ശാക്തീകരിച്ചിരിക്കുന്നത്. ആന്‍ഡ്രോയിഡ് ലോലിപോപ്പില്‍ പ്രവര്‍ത്തിക്കുന്ന ഫോണില്‍ 3 ജിബി റാം സന്നിവേശിപ്പിച്ചിരിക്കുന്നു.

32 ജിബി ഇന്റേണല്‍ മെമ്മറി എസ്ഡി കാര്‍ഡ് ഉപയോഗിച്ച് 128 ജിബി വരെ വര്‍ദ്ധിപ്പിക്കാവുന്നതാണ്. ബ്ലാക്ക്, കോപ്പര്‍, അക്വ, ഗ്രീന്‍ എന്നീ നിറ വ്യതിയാനങ്ങളില്‍ ഫോണ്‍ ലഭിക്കും. വിലയെക്കുറിച്ച് സോണി ഇതുവരെ സൂചനകള്‍ നല്‍കിയിട്ടില്ല.