അ‌വകാശപ്പെട്ടത് കളയേണ്ട! എയർടെൽ 2ജിബി ഡാറ്റ ഫ്രീയായി ലഭിക്കും, ശ്രദ്ധിക്കേണ്ടത് ഒറ്റക്കാര്യം

നിരവധി ഡാറ്റ പ്ലാനുകൾ എയർടെൽ നൽകുന്നതായി നമുക്കറിയാം. അ‌തോടൊപ്പം മറ്റ് പ്ലാനുകളും നൽകിവരുന്നു. ഇതിൽ ഭൂരിഭാഗം പ്ലാനുകളും റീച്ചാർജ് ചെയ്യുമ്പോൾ, അ‌ധിക തുക നൽകാതെ തന്നെ 2ജിബി ഡാറ്റ ഉപയോക്താക്കൾക്ക് ലഭ്യമാകും. തങ്ങളുടെ എയർടെൽ താങ്ക്സ് ആപ്പ് കൂടുതൽ ആളുകളിലേക്ക് എത്തിക്കുന്നതിന്റെ ഭാഗമായി ആണ് എയർടെൽ ഈ ഫ്രീ ഡാറ്റ പദ്ധതി ഇറക്കിയിരിക്കുന്നത്.

ഈ 2ജിബി ഫ്രീ ഡാറ്റ ലഭ്യമാകണമെങ്കിൽ എയർടെൽ താങ്ക്സ് ആപ്പുവഴി റീച്ചാർജ് ചെയ്താൽ മാത്രം മതി. എയർടെൽ ഇന്ത്യയുടെ ഇൻ-ഹൗസ് ആപ്പാണ് എയർടെൽ താങ്ക്സ്, ഇത് എയർടെൽ ഓഫറുകളുടെ മുഴുവൻ ഗുണങ്ങളും അ‌നുഭവിക്കാൻ ഉപഭോക്താക്കളെ അനുവദിക്കുന്നു. ആൻഡ്രോയിഡിനും ഐഒഎസിനും ആപ്പ് ലഭ്യമാണ്. എന്നാൽ എല്ലാ റീച്ചാർജ് പ്ലാനുകൾക്കും ഈ 2ജിബി ഫ്രീ ഡാറ്റ ലഭ്യമാകില്ല.

തിരഞ്ഞെടുത്ത പ്രീപെയ്ഡ് പ്ലാനുകൾ എയർടെൽ താങ്ക്സ് ആപ്പ് വഴി റീചാർജ് ചെയ്യുമ്പോൾ ആണ് ഉപഭോക്താക്കൾക്ക് സൗജന്യ 2 ജിബി ഡാറ്റ കൂപ്പൺ ലഭിക്കുക. 265 രൂപ, 359 രൂപ, 549 രൂപ, 699 രൂപ, 719 രൂപ, 839 രൂപ എന്നീ പ്ലാനുകളിലാണ് 2ജിബി ഫ്രീ ഡാറ്റ ലഭ്യമാകുക. സൗജന്യ 2 ജിബി ഡാറ്റ കിട്ടാൻ ശ്രദ്ധിക്കേണ്ട കാര്യങ്ങൾ എന്തൊക്കെയാണ് എന്ന് നോക്കാം.

സൗജന്യ 2 ജിബി ലഭ്യമാകുന്ന പ്ലാനുകളും അ‌വ നൽകുന്ന ആനുകൂല്യങ്ങളും

ഠ 58 രൂപയുടെ പ്ലാൻ- ഡാറ്റ പാക്ക് - 3 ജിബി ഡാറ്റ
ഠ 65 രൂപയുടെ പ്ലാൻ- ഡാറ്റ പാക്ക് 4 ജിബി ഡാറ്റ ലഭിക്കും
ഠ 98 രൂപയുടെ പ്ലാൻ- ഡാറ്റ പാക്ക് 5 ജിബി
ഠ 265 രൂപയുടെ പ്ലാൻ- അൺലിമിറ്റഡ് പാക്ക് - പ്രതിദിനം 1ജിബി ഡാറ്റ

ഠ 359 രൂപയുടെ പ്ലാൻ- അൺലിമിറ്റഡ് പാക്ക് - പ്രതിദിനം 2 ജിബി ഡാറ്റ
ഠ 549 രൂപയുടെ പ്ലാൻ- അൺലിമിറ്റഡ് പാക്ക് - പ്രതിദിനം 2ജിബി ഡാറ്റ
ഠ 699 രൂപയുടെ പ്ലാൻ- അൺലിമിറ്റഡ് പാക്ക് - പ്രതിദിനം 3ജിബി ഡാറ്റ
ഠ 719 രൂപയുടെ പ്ലാൻ- അൺലിമിറ്റഡ് പാക്ക് - പ്രതിദിനം 1.5ജിബി ഡാറ്റ
ഠ 839 രൂപയുടെ പ്ലാൻ- അൺലിമിറ്റഡ് പാക്ക് - പ്രതിദിനം 2ജിബി ഡാറ്റ

ഈ പ്ലാനുകൾ ചെയ്യുമ്പോൾ അ‌വയോടൊപ്പം ലഭിക്കുന്ന ഡാറ്റയ്ക്ക് പുറമെയാണ് 2ജിബി ഫ്രീ ഡാറ്റയും ലഭിക്കുക. 359 രൂപ, 549 രൂപ, 699 രൂപ (ആമസോൺ പ്രൈം മെമ്പർഷിപ്പ്), 719 രൂപ (ഡിസ്‌നി + ഹോട്ട്‌സ്റ്റാർ മൊബൈൽ), 839 രൂപ (ഡിസ്‌നി + ഹോട്ട്‌സ്റ്റാർ മൊബൈൽ) പ്ലാനുകളിൽ ഉപഭോക്താക്കൾക്ക് എയർടെൽ എക്‌സ്ട്രീം മൊബൈൽ പായ്ക്ക് ഒരു മാസത്തേക്ക് സൗജന്യമായി ലഭിക്കുമെന്ന് എയർടെൽ അറിയിച്ചു. ഫാസ്ടാഗിൽ 100 ​​രൂപ ക്യാഷ്ബാക്ക്, അപ്പോളോ 24/7 സർക്കിൾ 3 മാസത്തേക്ക് സൗജന്യം, സൗജന്യ എയർടെൽ ഹെലോട്യൂൺസ്, സൗജന്യ വിങ്ക് മ്യൂസിക് എന്നീ ആനുകൂല്യങ്ങളും ഈ പ്ലാനുകളോടൊപ്പം ലഭ്യമാകും.