സാംസങ് ഗാലക്‌സി A21s സ്മാർട്ട്ഫോണിന്റെ പുതിയ സ്റ്റോറേജ് വേരിയന്റ് ഇന്ത്യൻ വിപണിയിലെത്തി

സാംസങ് ഗാലക്‌സി A21s: പുതിയ വേരിയന്റ്

6 ജിബി റാമും 128 ജിബി സ്റ്റോറേജുമുള്ള പുതിയ വേരിയന്റാണ് സാംസങ് ഗാലക്‌സി A21s സ്മാർട്ട്ഫോണിൽ കമ്പനി അവതരിപ്പിച്ചിട്ടുള്ളത്. ജൂണിൽ ഡിവൈസ് ലോഞ്ച് ചെയ്തപ്പോൾ 4 ജിബി റാമും 64 ജിബി സ്റ്റോറേജുമുള്ള ബേസ് വേരിയന്റും 6 ജിബി റാമും 64 ജിബി സ്റ്റോറേജുമുള്ള മറ്റൊരു വേരിയന്റുമാണ് ഉണ്ടായിരുന്നത്. ഇപ്പോൾ അവതരിപ്പിച്ചിരിക്കുന്ന പുതിയ വേരിയന്റ് ഒക്ടോബർ 10 മുതൽ വിൽപ്പനയ്ക്ക് എത്തും. നീല, കറുപ്പ്, വെള്ള എന്നീ നിറങ്ങളിൽ ഈ ഡിവൈസ് ലഭ്യമാകും.

സാംസങിന്റ ഔദ്യോഗിക വെബ്‌സൈറ്റുകളായ സാംസങ് ഡോട്ട് കോം, സാംസങ് ഓപ്പറ ഹൗസ് എന്നിവയാണ് സാംസങ് ഗാലക്‌സി A21s സ്മാർട്ട്ഫോണിന്റെ വിൽപ്പന നടക്കുന്നത്. ഇന്ത്യയിലെ പ്രധാന ഓൺലൈൻ, ഓഫ്‌ലൈൻ റീട്ടെയിൽ സ്റ്റോറുകൾ വഴിയും ഡിവൈസ് വിൽപ്പനയ്ക്ക് എത്തും. ഈ വേരിയന്റിന് 17,499 രൂപയാണ് വില. 4 ജിബി റാമുള്ള ബേസ് വേരിയന്റിന് 16,499 രൂപ വിലയുണ്ട്. 6 ജിബി റാമും 64 ജിബി സ്റ്റോറേജുമുള്ള മോഡലിന് 18,499 രൂപയാണ് വില. 128 ജിബി വേരിയൻറിന് നിലവിൽ പ്രഖ്യാപിച്ചത് അനുസരിച്ച് വില കുറവാണ്. അതുകൊണ്ട് മറ്റ് വേരിയന്റുകൾക്കും കമ്പനി വില കുറയ്ക്കാൻ സാധ്യതയുണ്ട്.

സാംസങ് ഗാലക്‌സി A21s: സവിശേഷതകൾ

6 ജിബി റാമും 128 ജിബി സ്റ്റോറേജ് ഓപ്ഷനുമുള്ള സാംസങ് ഗാലക്‌സി A21s സ്മാർട്ട്ഫോണിൽ ഇൻ-ഹൌസ് മിഡ് റേഞ്ച് എക്‌സിനോസ് 850 പ്രോസസറാണ് ഉള്ളത്. മൈക്രോ എസ്ഡി കാർഡ് വഴി സ്റ്റോറേജ് എക്സ്പാൻഡ് ചെയ്യാനുള്ള സംവിധാനവും ഈ ഡിവൈസിൽ ഉണ്ട്. ആൻഡ്രോയിഡ് 10 ബേസ്ഡ് വൺ യുഐ 2.0ലാണ് സ്മാർട്ട്ഫോൺ പ്രവർത്തിക്കുന്നത്. എച്ച്ഡി + റെസല്യൂഷനോടുകൂടിയ 6.5 ഇഞ്ച് ഇൻഫിനിറ്റി-ഒ ഡിസ്‌പ്ലേയാണ് ഡിവൈസിൽ ഉള്ളത്.

നാല് ക്യാമറകളാണ് സാംസങ് ഗാലക്‌സി A21s സ്മാർട്ട്ഫോണിൽ ഉള്ളത്. ഇതിൽ ആദ്യത്തെ ക്യാമറ 48 എംപി പ്രൈമറി സെൻസറാണ്. ഇതിനൊപ്പം 8 എംപി അൾട്രാ-വൈഡ് ആംഗിൾ സെൻസർ, 2 എംപി മാക്രോ സെൻസർ, 2 എംപി ഡെപ്ത് ലെൻസ് എന്നിവയും കമ്പനി നകിയിട്ടുണ്ട്. 13 മെഗാപിക്സൽ ക്യാമറയാണ് സെൽഫികൾക്കും വീഡിയോ കോളുകൾക്കുമായി ഡിവൈസിൽ നൽകിയിട്ടുള്ളത്.

സാംസങ് ഗാലക്‌സി A21s സ്മാർട്ട്ഫോണിൽ 5,000 എംഎഎച്ച് ബാറ്ററിയാണ് കമ്പനി നൽകിയിട്ടുള്ളത്. ഫാസ്റ്റ് ചാർജിംഗ് സപ്പോർട്ടുള്ള ബാറ്ററിയാണ് ഇഥ്. മികച്ച സവിശേഷതകൾ ഉള്ള മിഡ് റേഞ്ച് സ്മാർട്ട്‌ഫോണാണ് സാംസങ് ഗാലക്‌സി A21s. ഡിവൈസിന്റെ പുതിയ വേരിയന്റിന് വില കുറവായതിനാൽ തന്നെ വിപണിയിൽ വലിയ നേട്ടമുണ്ടാക്കാൻ ഈ സ്മാർട്ട്ഫോണിന് സാധിക്കുമെന്നാണ് കരുതുന്നത്.