എയർടെല്ലിന് പിന്നാലെ താരിഫ് നിരക്കുകൾ വർധിപ്പിച്ച് വോഡഫോൺ ഐഡിയയും

പുതുക്കിയ നിരക്കുകൾ പ്രകാരം 149 രൂപ വിലയുള്ള പ്ലാനിന് ഇനി 179 രൂപ നൽകേണ്ടി വരും. അൺലിമിറ്റഡ് കോളിങ്, 2 ജിബി ഡാറ്റ, 300 എസ്എംഎസുകൾ എന്നിവ 28 ദിവസത്തേക്ക് നൽകുന്ന പ്ലാനാണ് ഇത്. 219 രൂപ വിലയുണ്ടായിരുന്ന പ്ലാനിന് ഇനി മുതൽ 269 രൂപയാണ് വില. ഈ പ്ലാനിലൂടെ ദിവസവും 1 ജിബി ഡാറ്റയും 100 എസ്എംഎസുകളും ലഭിക്കും. 28 ദിവസത്തേക്ക് അൺലിമിറ്റഡ് കോളിങ് ആനുകൂല്യങ്ങളും പ്ലാൻ നൽകുന്നു. 249 രൂപ വിലയുള്ള പ്ലാനിന് ഇനി മുതൽ 299 രൂപയാണ് വിലയ ഈ പ്ലാനിലൂടെ ദിവസവും 1.5 ജിബി ഡാറ്റ, 100 എസ്എംഎസുകൾ, അൺലിമിറ്റഡ് കോളിങ് ആനുകൂല്യങ്ങൾ എന്നിവ 28 ദിവസത്തേക്ക് ലഭിക്കും.

299 രൂപ വിലയുണ്ടായിരുന്ന പ്ലാനിനായി ഇനി ഉപയോക്താക്കൾ 359 രൂപ ചിലവഴിക്കേണ്ടി വരും. ഈ പ്ലാനിലൂടെ 28 ദിവസത്തേക്ക് ദിവസവും 2 ജിബി ഡാറ്റ, 100 എസ്എംഎസുകൾ, അൺലിമിറ്റഡ് കോളിങ് എന്നീ ആനുകൂല്യങ്ങളാണ് ലഭിക്കുന്നത്. 399 രൂപ വിലയുണ്ടായിരുന്ന പ്ലാനിന് ഇനി മുതൽ 479 രൂപയാണ് വില. 56 ദിവസത്തേക്ക് ദിവസവും 1.5 ജിബി ഡാറ്റ, പ്രതിദിനം 100 എസ്എംഎസ്, സൌജന്യ കോളിങ് എന്നീ ആനുകൂല്യങ്ങളാണ് ഈ പ്ലാനിലൂടെ ലഭിക്കുന്നത്.

449 രൂപ വിലയുണ്ടായിരുന്ന പ്ലാനിന് ഇനി 539 രൂപയാണ് വില. 90 രൂപ വർധിച്ച ഈ പ്ലാനിലൂടെ 56 ദിവസത്തേക്ക് അൺലിമിറ്റഡ് കോളിങ്, ദിവസവും 2 ജിബി ഡാറ്റ, ദിവസവും 100 എസ്എംഎസുകൾ എന്നീ ആനുകൂല്യങ്ങൾ ലഭിക്കും. 599 രൂപ വിലയുണ്ടായിരുന്ന പ്ലാനിന് ഇനി 719 രൂപ നൽകേണ്ടി വരും. 84 ദിവസം വാലിഡിറ്റി കാലയളവിലേക്ക് അൺലിമിറ്റഡ് കോളിങ്, ദിവസവും 100 എസ്എംഎസുകൾ, ദിവസവും 1.5 ജിബി ഡാറ്റ എന്നീ ആനുകൂല്യങ്ങളാണ് ഈ പ്ലാനിലൂടെ ലഭിക്കുന്നത്.

കൂടുതൽ വാലിഡിറ്റി വേണ്ടവർ തിരഞ്ഞെടുത്തിരുന്ന 379 രൂപ വിലയുണ്ടായിരുന്ന പ്ലാനിന് ഇനി മുതൽ 459 രൂപയാണ് വില. ഈ പ്ലാനിലൂടെ മൊത്തം 6 ജിബി ഡാറ്റ, അൺലിമിറ്റഡ് കോളിങ് ആനുകൂല്യങ്ങൾ, പ്രതിദിനം 100 എസ്എംഎസ് എന്നീ ആനുകൂല്യങ്ങൾ 84 ദിവസത്തേക്ക് ലഭിക്കും. 699 രൂപ വിലയുണ്ടായിരുന്ന പ്ലാനിന് ഇനി 839 രൂപയാണ് വില. ഈ പ്ലാനിലൂടെ ദിവസവും 2 ജിബി ഡാറ്റ, 100 എസ്എംഎസുകൾ, അൺലിമിറ്റഡ് കോളിങ് ആനുകൂല്യങ്ങൾ എന്നിവ 84 ദിവസത്തേക്ക് ലഭിക്കും.

1499 രൂപ വിലയുണ്ടായിരുന്ന വിഐ പ്ലാനിന് ഇനി മുതൽ 1799 രൂപയാണ് വില. ഈ പ്ലാൻ 365 ദിവസം വാലിഡിറ്റി കാലയളവിലേക്ക് മൊത്തം 24 ജിബി ഡാറ്റ, 3600 എസ്എംഎസുകൾ എന്നീ ആനുകൂല്യങ്ങളാണ് ലഭിക്കുന്നത്. 2399 രൂപ വിലയുള്ള വിഐ വാർഷിക പ്ലാനിന് ഇനി മുതൽ 2899 രൂപ നൽകേണ്ടി വരും. ഈ പ്ലാനിലൂടെ ദിവസവും 1.5 ജിബി ഡാറ്റയാണ് ലഭിക്കുന്നത്. ഇത് കൂടാതെ അൺലിമിറ്റഡ് കോളിങ് ആനുകൂല്യങ്ങളും ദിവസവും 100 എസ്എംഎസുകളും ഈ പ്ലാനിലൂടെ ലഭിക്കും.

ഡാറ്റ ടോപ്പ് അപ്പുകൾക്കും വിഐ വില വർധിപ്പിച്ചിട്ടുണ്ട്. 48 രൂപ വിലയുണ്ടായിരുന്ന ടോപ്പ് അപ്പിന് ഇനി 58 രൂപയാണ് വില. 3 ജിബി ഡാറ്റ 28 ദിവസത്തേക്ക് നൽകുന്ന പ്ലാനാണ് ഇത്. 28 ദിവസത്തേക്ക് 12 ജിബി ഡാറ്റ നൽകുന്ന 98 രൂപ ഡാറ്റ ടോപ്പ്അപ്പിന് ഇനി 118 രൂപയാണ് വില. 251 രൂപ വിലയുണ്ടായിരുന്ന ടോപ്പ്അപ്പിന് ഇനി മുതൽ 298 രൂപ വിലയുണ്ട്. ഇതിലൂടെ 50 ജിബി ഡാറ്റ ലഭിക്കും. 351 രൂപ വിലയുണ്ടായിരുന്ന ടോപ്പ്അപ്പിന് ഇനി മുതൽ 418 രൂപയാണ് വില. ഇതിലൂടെ 100 ജിബി ഡാറ്റയാണ് ലഭിക്കുന്നത്.