RuPay, UPI ഉപയോഗിച്ചുള്ള ഇടപാടുകൾക്ക് ഇനി 20% GST ക്യാഷ്ബാക്ക്! ഒപ്പം പെട്രോളും ഡീസലിനും കിഴിവ്!

ഇനി RuPay, UPI ഉപയോഗിച്ചുള്ള ഇടപാടുകൾക്ക് 20% ക്യാഷ്ബാക്ക്

ഇത് പ്രകാരം ഇനി മുതൽ ഈ രണ്ടു RuPay , UPI മാർഗ്ഗങ്ങൾ വഴി ഓൺലൈനായി എന്തെങ്കിലും ഉൽപ്പന്നങ്ങൾ വാങ്ങുമ്പോൾ 20 ശതമാനം ജിഎസ്ടി ഇനത്തിൽ കാഷ്ബാക്ക് ആയി ഉപഭോക്താവിന് ലഭിക്കും. 100 രൂപയാണ് ഇടപാടിൽ ഇത് ലഭ്യമാക്കാനുള്ള ഏറ്റവും ചെറിയ മാനദണ്ഡം. ഈ ആനുകൂല്യം വഴി ലഭ്യമാകുന്ന ക്യാഷ്ബാക്കിന്റെ മുഴുവൻ കാര്യങ്ങളും നോക്കുന്നത് NPCI ആയിരിക്കും. വില്പനക്കാരനോ മറ്റുള്ളവർക്കോ ഇതിൽ യാതൊരു വിധത്തിലുള്ള ഇടപെടലുകളും നടത്താൻ സാധിക്കുകയില്ല.

ക്യാഷ്ബാക്ക് അക്കൗണ്ടിൽ തന്നെ ലഭിക്കും

ഈ ക്യാഷ്ബാക്ക് RuPay അക്കൗണ്ടിലേക്കോ അല്ലെങ്കിൽ UPI അക്കൗണ്ടിലേക്കോ ഇതാണോ നിങ്ങൾ ഉപയോഗിക്കുന്നത് അതിനനുസരിച്ച് ക്രെഡിറ്റ് ആകും. ഈ ഉദ്യമം നിലവിൽ വന്നു എന്ന കാര്യത്തിൽ ധനമന്ത്രി പിയൂഷ് ഗോയൽ ഉറപ്പുനൽകുന്നു. ജിഎസ്ടി കൗൺസിലിന്റെ 29മത് മീറ്റിങ്ങിൽ ഈ കാര്യം പ്രഖ്യാപിക്കുകയും ചെയ്തിട്ടുണ്ട്.

രാജ്യമൊട്ടുക്കും എത്തും

ഉത്തർ പ്രദേശ്, ബിഹാർ, തമിഴ്നാട്, ഗുജറാത്ത്, ആസാം തുടങ്ങിയ സംസ്ഥാനങ്ങളിലാണ് ഇപ്പോൾ ഈ സൗകര്യം ആദ്യം എത്തുക. ശേഷം മറ്റു സംസ്ഥാനങ്ങളിലേക്ക് കൂടെ ഇത് വ്യാപിപ്പിക്കും. ഈ ആനുകൂല്യങ്ങൾ നൽകുന്നതിലൂടെ സുസ്ഥിരമായ ഒരു സാമ്പത്തികസ്ഥിതിയിലേക്ക്‌ രാജ്യം എത്തിച്ചേരും എന്നുറപ്പുണ്ടെന്ന് മന്ത്രി വ്യക്തമാക്കുന്നു. മുമ്പ് ഇതുപോലെ തന്നെ ഭിം ക്യാഷ്ബാക്ക് ഓഫറുകളും സർക്കാർ പ്രഖ്യാപിച്ചിരുന്നു.

പെട്രൽ ഡീസൽ കാർഡ് ഇടപാടുകൾക്കുള്ള കിഴിവ്

ഈ പ്രഖ്യാപനം വരുന്നതിന്റെ 24 മണിക്കൂർ മുമ്പ് പെട്രോൾ ഡീസൽ ക്യാഷ്‌ലെസ്സ് ആയി വാങ്ങുമ്പോൾ ലഭിച്ചിരുന്ന കിഴിവ് 66 ശതമാനാമാക്കി കേന്ദ്ര സർക്കാർ ഒരു പ്രഖ്യാപനം ഇറക്കുകയുണ്ടായിട്ടുണ്ട്. ഇതുപ്രകാരം കാർഡ് ഉപയോഗിച്ചുകൊണ്ട് പെട്രോൾ, ഡീസൽ എന്നിവ വാങ്ങുമ്പോൾ 0.75% കിഴിവ് ലഭിക്കും. അതായത് പെട്രോളിന് ഒരു ലിറ്ററിന് 0.57 പൈസയും ഡീസലും 0.59 പൈസയും കിഴിവ് ലഭിക്കും.

ഫെയ്‌സ്ബുക്ക് ഡേറ്റിംഗ് ഫീച്ചറിന്റെ പരീക്ഷണം ആരംഭിച്ചു