ആപ്പിള്‍ ഡെവലപ്പര്‍ പോര്‍ട്ടല്‍ ഹാക്ക് ചെയ്തതിന്റെ ഉത്തരവാദിത്തം ഏറ്റെടുത്ത് സുരക്ഷാ ഗവേഷകന്‍ രംഗത്ത

By Bijesh

Published: Tuesday, July 23, 2013, 14:58 [IST]

ആപ്പിളിന്റെ ഡെവലപ്പര്‍ പോര്‍ട്ടല്‍ ഹാക്ക് ചെയ്തതിന്റെ ഉത്തരവാദിത്തം ഏറ്റെടുത്തുകൊണ്ട് ടര്‍ക്കിഷ് സുരക്ഷാ ഗവേഷകന്‍ രംഗത്ത്. ഇബ്രാഹിം ബാലിക് എന്ന് സ്വയം പരിചയപ്പെടുത്തിയ സുരക്ഷാ ഗവേഷകന്‍ യു ട്യൂബില്‍ പോസ്റ്റ് ചെയ്ത വീഡിയോയിലാണ് ആപ്പിള്‍ പോര്‍ട്ടല്‍ ഹാക്ക് ചെയ്തത് താനാണെന്നു സമ്മതിച്ചത്. വിവരങ്ങള്‍ ചോര്‍ത്തുക എന്ന ലക്ഷ്യത്തോടെയല്ല ഇതു ചെയ്തതെന്നു പറഞ്ഞ ഹാക്കര്‍ ആപ്പിള്‍ ഡെവലപ്പര്‍ പോര്‍ട്ടല്‍ സുരക്ഷിതമല്ലായിരുന്നു എന്നും അത് കമ്പനിയെ അറിയുക്ക മാത്രമാണ് ചെയ്തതെന്നുമാണ് വീഡിയോ സന്ദേശത്തില്‍ പറയുന്നത്.

ആപ്പിള്‍ ഡെവലപ്പര്‍ പോര്‍ട്ടല്‍ ഹാക്ക് ചെയ്തതിന്റെ ഉത്തരവാദിത്തം ഏറ്റെ

അടുത്തിടെ ആപ്പിളുമായി ബന്ധപ്പെട്ട് ഗവേഷണം നടത്തുന്നതിനിടെയാണ് പോര്‍ട്ടലില്‍ സുരക്ഷാ പാളിച്ചകളുള്ളതായി ബോധ്യം വന്നത്. ഉടന്‍തന്നെ ആപ്പിള്‍ അധികൃതര്‍ക്ക് ഇതു സംബന്ധിച്ച് മെയില്‍ അയയ്ക്കുകുയും ചെയ്തിരുന്നു. സുരക്ഷാ പാളിച്ചകള്‍ അക്കമിട്ടു നിരത്തിയാണ് ആപ്പിളിന് റിപ്പോര്‍ട്ട് അയച്ചുകൊടുത്തത്. യൂസേഴ്‌സിന്റെ വിവരങ്ങള്‍ പോലും ലഭ്യമായതോടെ ഇക്കാര്യവും അവരെ അറിയിച്ചു. അവസാന റിപ്പോര്‍ട്ട് അയച്ച് നാലുമണിക്കൂറിനകം അവര്‍ പോര്‍ട്ടല്‍ ക്ലോസ് ചെയ്യുകയായിരുന്നു.
തന്റെ ഗവേഷണവും കണ്ടെത്തലുകളും ആപ്പിളിനു പ്രയാസം സൃഷ്ടിക്കുന്നുണ്ടെങ്കില്‍ പ്രൊജക്ടില്‍ നിന്നു പിന്‍മാറാന്‍ തയാറാണെന്നും അറിയിച്ചിരുന്നു. എന്നാല്‍ യാതൊരു മറുപടിയും ലഭിച്ചില്ലെന്നും ഇബ്രാഹിം ബാലിക് വീഡിയോയിലുടെ പറഞ്ഞു. പോര്‍ട്ടലിന്റെ സുരക്ഷാപാളിച്ചകള്‍ അറിയിക്കുകമാത്രമായിരുന്നു ലക്ഷ്യമെന്നും ഡാറ്റകള്‍ താന്‍ ശേഖരിച്ചിട്ടില്ലെന്നും ബാലിക് പറയുന്നു.