ആപ്പിളിനെയും സാംസങിനെയും നേരിടാൻ വിലകുറഞ്ഞ 5ജി സ്മാർട്ട്ഫോണുമായി വൺപ്ലസ്

പ്രീമിയം സ്മാർട്ട്‌ഫോണുകൾ മാത്രം വിൽക്കുന്ന ഒരു കമ്പനിയെ സംബന്ധിച്ചിടത്തോളം, വൺപ്ലസ് മിഡ് റേഞ്ച് ഫോണുകളിലേക്ക് മാറുന്നത് വ്യവസായത്തിലെ പലരെയും അത്ഭുതപ്പെടുത്തുന്നു. ഇന്ത്യയിലെ വൺപ്ലസിന്റെ വിപണി വിഹിതം നോക്കുകയാണെങ്കിൽ അതിന് ഒരു മിഡ് റേഞ്ച് ഫോൺ നൽകേണ്ടതായുണ്ട്. പ്രീമിയം വിഭാഗത്തിൽ ആധിപത്യം പുലർത്തുന്ന ഈ ബ്രാൻഡ് മികച്ച മൂന്ന് സ്മാർട്ഫോൺ ബ്രാൻഡുകളിൽ ഒരാളായി കണക്കാക്കപ്പെടുന്നു. ഐഫോൺ എസ്ഇയ്ക്കുള്ള ഉത്തരമാണ് വൺപ്ലസ് നോർഡ് എന്ന് ചിലർ കരുതുന്നുണ്ടെങ്കിലും ഈ ഇടത്തരം വിലയുള്ള ഫോൺ ദീർഘകാല ഗെയിമിന്റെ ഭാഗമാണെന്ന് കരുതുന്നു.

സ്മാർട്ട്‌ഫോണുകൾ വിൽക്കുന്നതിനുപുറമെ വൺപ്ലസ് ഉൽപ്പന്നങ്ങളുടെ പട്ടിക വളരുകയാണ്, അതിൽ ഇപ്പോൾ ടിവികളും ഉടൻ തന്നെ വയർലെസ് ഇയർബഡുകളും ഈ പട്ടികയിൽ ഉൾപ്പെടുന്നു. കഴിഞ്ഞ വർഷം വരെ സ്മാർട്ട് ടിവി വിപണിയുടെ ഉയർന്ന തലത്തിലാണ് വൺപ്ലസ് കൂടുതൽ ശ്രദ്ധ കേന്ദ്രീകരിച്ചിരുന്നത്. എന്നാൽ കഴിഞ്ഞയാഴ്ച ഈ ബ്രാൻഡ് മുഖ്യധാരാ ടിവി വിപണിയിൽ പ്രവേശിച്ചത് അതിന്റെ വൈ-സീരീസ് വെറും 12,999 രൂപയിൽ നിന്നാണ്.

വൺപ്ലസ് നോർഡ് സ്മാർട്ഫോൺ: വിശദാംശങ്ങൾ

ജൂലൈ ആദ്യ വാരം വില്പനക്കെത്തും എന്ന് പ്രതീക്ഷിക്കുന്ന വിലക്കുറവുള്ള ഫോണിന്റെ പേര് വൺപ്ലസ് അതിനിടെ ഔദ്യോഗിമായി പ്രഖ്യാപിച്ചു. ഈ വിലക്കുറവുള്ള വൺപ്ലസ് ഫോണിന്റെ പേര് നോർഡ് എന്നാണ്. ലോഞ്ചിന് മുൻപായി 100 പേർക്ക് നോർഡ് മുൻകൂട്ടി ബുക്ക് ചെയ്യാനുള്ള അവസരം വൺപ്ലസ് ഒരുക്കിയിട്ടുണ്ട്. ജൂലൈ ഒന്നാം തിയതി (ബുധൻ) ഉച്ചക്ക് 2 മണി മുതൽ വൺപ്ലസ് നോർഡ് ആമസോൺ വെബ്‌സൈറ്റ് വഴി ഈ ബജറ്റ് സ്മാർട്ഫോൺ പ്രീ-ബുക്ക് ചെയ്യാവുന്നതാണ്.

വൺപ്ലസ് നോർഡ് സ്മാർട്ഫോൺ: സവിശേഷതകൾ

6 ജിബി റാം + 128 ജിബി സ്റ്റോറേജ് സ്പെസിഫിക്കേഷനിലുള്ള വൺപ്ലസ് നോർഡിന് 24,990 രൂപ വില വരുന്നു എന്ന് ആൻഡ്രോയിഡ് പോലീസ് എന്ന ടെക്നോളജി വെസ്ബ്‌സൈറ്റിൽ റിപ്പോർട്ട് ചെയ്തിരിക്കുന്നു. അങ്ങനെയങ്കിൽ ആപ്പിൾ പുറത്തിറക്കിയ ബജറ്റ് ഫോൺ ഐഫോൺ എസ്ഇയ്ക്ക് ഒരു വെല്ലുവിളിയാകും ഈ പുതിയ വൺപ്ലസ് നോർഡ് സ്മാർട്ഫോൺ. വൺപ്ലസ് നോർഡിന് 32-മെഗാപിക്‌സൽ പ്രൈമറി ക്യാമറയും 8-മെഗാപിക്സൽ സെക്കന്ററി ഷൂട്ടറും ചേർന്ന ഡ്യുവൽ സെൽഫി ക്യാമറയായിരിക്കും ലഭിക്കുക. വൺപ്ലസ് പുതുതായി പുറത്തിറക്കിയ വൺപ്ലസ് 8 സ്മാർട്ട് ഫോണിനുപോലും ഡ്യുവൽ സെൽഫി ക്യാമറ സംവിധാനമില്ല.

5ജി പിന്തുണയോടുകൂടിയ സ്നാപ്ഡ്രാഗൺ 765 SoC ചിപ്സെറ്റ് ആയിരിക്കും വൺപ്ലസ് നോർഡിൻറെ കരുത്ത്. 90Hz റിഫ്രഷ് റേറ്റുള്ള 6.55-ഇഞ്ച് സൂപ്പർ അമോലെഡ് ഡിസ്പ്ലേ ആയിരിക്കും വൺപ്ലസ് നോർഡിന്. ആർട്ടിഫിഷ്യൽ ഇന്റലിജൻസിൽ പ്രവർത്തിക്കുന്ന ട്രിപ്പിൾ പിൻ ക്യാമറ സെറ്റപ്പ് ആയിരിക്കും. 64 മെഗാപിക്സൽ സെൻസർ, 16 മെഗാപിക്സൽ സെൻസർ, 2 മെഗാപിക്സൽ സെൻസർ എന്നിവ ഉൾപ്പെട്ടതായിരിക്കും പിൻ കാമറ സെറ്റപ്പ്. 30W ഫാസ്റ്റ് ചാർജിങ് സപ്പോർട്ടുള്ള 4,300mAh ബാറ്ററിയായിരിക്കും വൺപ്ലസ് നോർഡിന് ലഭിക്കുക.