വിവിധ ബില്ലുകളും സര്‍വകലാശാല ഫീസും ഓണ്‍ലൈനായി അടയ്ക്കാനുള്ള സംവിധാനം കേരള സര്‍ക്കാര്‍ നടപ്പിലാക്കി. ഇ-പേയ്മന്റ് ഗേറ്റ്് വേ എന്നു പേരിട്ടിരിക്കുന്ന സംവിധാനത്തിലൂടെ കെ.എസ്.ഇ.ബി., വാട്ടര്‍ അഥോറിട്ടി, ബി.എസ്.എന്‍.എല്‍. തുടങ്ങിയവയുടെ ബില്ലുകള്‍ ഓണ്‍ലൈനായി അടയ്ക്കാന്‍ സാധിക്കും.
അക്ഷയാ കേന്ദ്രങ്ങളുടെ സഹകരണത്തോടെയാണ് ഇത് നടപ്പിലാക്കുന്നത്. തെരഞ്ഞെടുത്ത 66 ബാങ്കുകളുടെ ക്രെഡിറ്റ് കാര്‍ഡ് വഴിയാണ് ബില്ലുകള്‍ അടയ്‌ക്കേണ്ടത്. നിലവില്‍ ഇന്‍കം ടാക്‌സ്, ഓണ്‍ലൈന്‍ റിസര്‍വേഷന്‍ തുടങ്ങി 23-ഓളം സര്‍വീസുകള്‍ സര്‍ക്കാര്‍ അക്ഷയാ കേന്ദ്രങ്ങള്‍ വഴി നടപ്പിലാക്കുന്നുണ്ട്.
താല്‍പര്യമുള്ള ഇന്റര്‍നെറ്റ് കഫേകള്‍ക്കും ഇ-പേയ്‌മെന്റ് സംവിധാനം ആരംഭിക്കാവുന്നതാണ്. ഇതിനായി അപേക്ഷ നല്‍കിയാല്‍ അക്ഷയാകേന്ദ്രങ്ങള്‍ വഴി പരിശീലനം നല്‍കും.
Story first published: Friday, September 6, 2013, 17:56 [IST]
