മികച്ച സവിശേഷതകളുമായി വയോ എസ്ഇ 14, എസ്എക്സ് 14 ലാപ്‌ടോപ്പുകൾ ഇന്ത്യൻ വിപണിയിലെത്തി

വയോ എസ്ഇ14: സവിശേഷതകൾ

പേര് സൂചിപ്പിക്കുന്നത് പോലെ 14 ഇഞ്ച് പിഎസ്പി ഡിസ്പ്ലേയുള്ള വയോ എസ്ഇ 14 ലാപ്ടോപ്പിൽ 11th ജനറേഷൻ ഇന്റൽ പ്രോസസറാണ് നൽകിയിട്ടുള്ളത്. ടിപിഎം (ട്രസ്റ്റഡ് പ്ലാറ്റ്ഫോം മൊഡ്യൂൾ) 2.0, ബയോസ് സുരക്ഷ, ചേസിസ് ലോക്ക് സ്ലോട്ട് തുടങ്ങിയ സവിശേഷതകളും ഈ ലാപ്‌ടോപ്പിൽ വയോ നൽകിയിട്ടുണ്ട്. ഈ ക്ലാസിലെ മറ്റ് ലാപ്‌ടോപ്പുകളുമായി താരതമ്യപ്പെടുത്തുമ്പോൾ ലാപ്‌ടോപ്പിൽ അൽപ്പം കട്ടിയുള്ള ബെസലുകളാണ് ഉള്ളത്.

12 മണിക്കൂർ ബാറ്ററി ബാക്കപ്പ് പോലുള്ള സവിശേഷതകൾ വയോയുടെ പുതിയ നോട്ട്ബുക്കിൽ ഉണ്ട്. ഏറ്റവും പുതിയ ടൈഗർ ലേക്ക് പ്രോസസറാണ് ലാപ്ടോപ്പിന് കരുത്ത് നൽകുന്നത്. ഇന്റലിൽ നിന്നുള്ള ഏറ്റവും കരുത്തുള്ള ഇന്റഗ്രേറ്റഡ് ഗ്രാഫിക്സ് കാർഡുകളിലൊന്നായ ഇന്റൽ ഐറിസ് എക്സ് പ്രോസസറും ഇതിലുണ്ട്. വയോ എസ്ഇ14 ലാപ്ടോപ്പിന് ഇന്ത്യയിൽ 88,990 രൂപയാണ് വില. ഈ ലാപ്ടോപ്പിന്റെ വിൽപ്പന ഇതിനകം ആമസോണിൽ ആരംഭിച്ചിട്ടുണ്ട്.

വയോ എസ്എക്സ് 14: സവിശേഷതകൾ

വയോ എസ്എക്സ് 14 ഒരു പ്രീമിയം അൾട്രാബുക്കാണ്. ഈ ലാപ്ടോപ്പിന്റെ വില 172,990 രൂപയാണ്. വിൻഡോസ് ഹലോയുള്ള ഈ ലാപ്ടോപ്പിൽ ഫിംഗർപ്രിന്റ് സെൻസറും ഫേസ് റക്കഗനിഷനും ഉണ്ട്. ഡോൾബി സ്പീക്കർ സെറ്റപ്പോട് കൂടിയ 14 ഇഞ്ച് 4കെ ഡിസ്‌പ്ലേയാണ് ഈ നോട്ട്ബുക്കിൽ വയോ നൽകിയിട്ടുള്ളത്. എസ്‌എക്സ് 14 ടച്ച് ഇൻ‌പുട്ടിനെ സപ്പോർട്ട് ചെയ്യുന്നില്ല. ഈ വില വിഭാഗത്തിൽ ഇതൊരു പോരായ്മ തന്നെയാണ്.

ഇന്റൽ കോർ-ഐ 7 പ്രോസസറിൽ പ്രവർത്തിക്കുന്ന വയോ എസ്എക്സ് 14 മികച്ച പെർഫോമൻസ് തന്നെ നൽകുമെന്നാണ് പ്രതീക്ഷിക്കുന്നത്. എന്തായാലും വയോ എസ്എക്സ് 14 ന്റെ ഇന്ത്യൻ പതിപ്പ് 10th ജനറേഷൻ, അതല്ലെങ്കിൽ 11th ജനറേഷൻ ഇന്റൽ പ്രോസസറിലായിരിക്കും പ്രവർത്തിക്കുക എന്നാണ് സൂചനകൾ. ഇത് കമ്പനി അതുവരെ സ്ഥീരികരിച്ചിട്ടില്ല. ഇന്റർനാഷണൽ വേരിയന്റിന് ഇന്റൽ യുഎച്ച്ഡി ഗ്രാഫിക്സ് ഉള്ള 10th ജനറേഷൻ പ്രോസസറാണ് ഉള്ളത്.

1 ടിബി എസ്എസ്ഡി ബേസ്ഡ് സ്റ്റോറേജുള്ള എസ്എക്സ് 14 ലാപ്ടോപ്പ് വിൻഡോസ് 10 പ്രോ ഒഎസുമായിട്ടാണ് വരുന്നത്. 7.5 മണിക്കൂർ ബാറ്ററി ലൈഫ് ലഭിക്കുമെന്നാണ് കമ്പനി അവകാശപ്പെടുന്നത്. ഇത് സോഫ്റ്റ്വെയർ എക്സ്പീരിയൻസിന്റെ കാര്യത്തിൽ പോലും പ്രീമിയം ആണ്. ഫുൾ സൈസുള്ള എസ്ഡി കാർഡ് സ്ലോട്ട്, എച്ച്ഡിഎംഐ പോർട്ട്, വിജിഎ പോർട്ട്, രണ്ട് യുഎസ്ബി-എ പോർട്ടുകൾ, യുഎസ്ബി ടൈപ്പ്-സി പോർട്ട് എന്നിവയുൾപ്പെടെ വിപുലമായ കണക്ടിവിറ്റി ഓപ്ഷനുകൾ ഡിവൈസിൽ ഉണ്ട്. എസ്എക്സ് 14 മെയ് 16ന് വിൽപ്പനയ്‌ക്കെത്തും.