ആന്‍ഡ്രോയിഡ് ഫോണില്‍ സ്‌റ്റോറേജ് സ്‌പേസ് കുറവാണോ?

സ്റ്റോറേജ് മാറ്റുക

നിങ്ങളുടെ ഫോണ്‍ കുറച്ചു പഴയതാണെങ്കില്‍ അതിന്‍ വളരെയധികം ചിത്രങ്ങളും പാട്ടുകളും മറ്റും ഉണ്ടാകാന്‍ സാധ്യത ഏറെയാണ്. നിങ്ങള്‍ക്കിത് മറ്റൊരു ഹാര്‍ഡ്‌വയറിലേക്കോ ഡ്രോപ്‌ബോക്‌സിലോക്കോ, ക്ലൗഡിലേക്കോ മാറ്റാം. അങ്ങനെ ഫോണിന്റെ സ്‌റ്റോറേജ് കൂട്ടാം.

വീഡിയോകള്‍ മാറ്റാം

ഫോണിലെ വീഡിയോകള്‍ വളരെയധികം സ്ഥലം കാര്‍ന്നു തിന്നുന്നതാണ്. അതിനാല്‍ നിങ്ങള്‍ക്ക് ഇവയെ ഹാര്‍ഡ്ഡിസ്‌ക്കിലേക്കോ ക്ലൗഡിലേക്കോ മാറ്റാം.

എംപി3 ഡിലീറ്റ് ചെയ്യുക

നിങ്ങളുടെ ഫോണില്‍ അധികം എംപി3 ഉണ്ടെങ്കില്‍ കുറച്ചു ഡിലീറ്റ് ചെയ്യുന്നതാണ് നല്ലത്. കൂടാതെ സ്‌പോട്ട്‌ഫൈ പോലുളള സേവനങ്ങളും മികച്ച പരിഹാരമാണ്.

ഡൗണ്‍ലോഡ് ഡയറക്ടറി

നിങ്ങള്‍ക്ക് ഡൈണ്‍ലോഡ് ഡയറക്ടറി പരിശോധിച്ച് ആവശ്യമില്ലാത്ത ഫയലുകള്‍ ഡിലീറ്റ് ചെയ്യാം. അങ്ങനേയും ഫോണ്‍ സ്‌റ്റോറേജ് സ്‌പേസ് കൂട്ടാം.

ആപ്പ് ഉപയോഗിക്കാം

Disk Usage and Storage Analyser എന്ന ആപ്പ് ഉപയോഗിച്ച് ഏതൊക്കെ ഫയലുകളും ഫോള്‍ഡറുകളുമാണ് നിങ്ങളുടെ ഫോണ്‍ മെമ്മറിയെ കാര്‍ന്നു തിന്നുന്നതെന്ന് മനസ്സിലാക്കി അനാവശ്യമായ ഫയലുകള്‍ നീക്കം ചെയ്യാം.

ടെംപററി ഫയലുകള്‍ നീക്കം ചെയ്യാം

Settings > Apps > Cached data എന്നതിലേക്ക് പോയാല്‍ കുറേ കാലങ്ങളായി അടിഞ്ഞ് കൂടിയിരിക്കുന്ന ടെംപററി ഫയലുകള്‍ ട്രാഷില്‍ നിന്നും നീക്കം ചെയ്യുക.

ബ്ലോട്ട്‌വെയര്‍ നീക്കം ചെയ്യുക

നിങ്ങളുടെ ഫോണ്‍ നിര്‍മ്മാതാക്കള്‍ തന്നെ പ്രീഇന്‍സ്റ്റോള്‍ ചെയ്തിരിക്കുന്ന അനാവശ്യ ആപ്പുകള്‍ അടങ്ങിയിരിക്കുന്ന ഫോള്‍ഡറുകളാണ് ബ്ലോട്ട്‌വയറുകള്‍. ഇത് സാധാരണ രീതിയില്‍ നീക്കം ചെയ്യാന്‍ സാധിക്കില്ല. എന്നാല്‍ നിങ്ങളുടെ ഫോണിനെ റൂട്ട് ചെയ്യാന്‍ ധൈര്യം കാണിക്കുകയാണെങ്കില്‍ ഇവയെ നീക്കം ചെയ്യാവുന്നതാണ്.