ഷവോമി റെഡ്‌മി നോട്ട് 9 5 ജി നവംബർ 24 ന് അവതരിപ്പിക്കും: പ്രതീക്ഷിക്കുന്ന വില, സവിശേഷതകൾ

| Published: Tuesday, November 17, 2020, 14:45 [IST]

നിലവിലുള്ള റെഡ്മി നോട്ട് 9, റെഡ്മി നോട്ട് 9 പ്രോ എന്നിവയുടെ 5 ജി എഡിഷൻ (Redmi Note 9 5G) അവതരിപ്പിക്കാനുള്ള തയ്യാറെടുപ്പിലാണ് ഷവോമി. റെഡ്മി നോട്ട് 9 സീരീസിന്റെ 5 ജി എഡിഷൻ നവംബർ 24 ന് വിപണിയിലെത്തുമെന്ന് ചൈനീസ് മൈക്രോബ്ലോഗിംഗ് സൈറ്റിലെ ഒരു ഉപയോക്താവ് വെളിപ്പെടുത്തി. ഷവോമി റെഡ്മി നോട്ട് 9, റെഡ്മി നോട്ട് 9 പ്രോ എന്നിവ ഈ വർഷം ഇന്ത്യയിൽ അവതരിപ്പിച്ചിരുന്നു. റെഡ്മി നോട്ട് 9 5 ജി സീരീസ് ചൈനയിൽ വിപണിയിലെത്തുമെന്ന് സംസാരമുണ്ട്. എന്നാൽ, ഒരു 5 ജി ഡിവൈസ് ഇന്ത്യയിൽ അവതരിപ്പിക്കുന്നതിൽ അർത്ഥമില്ല, കാരണം ഇന്ത്യയിൽ ഇതുവരെ 5 ജി സേവനം ലഭ്യമായിട്ടില്ല എന്നതുതന്നെ. വരാനിരിക്കുന്ന റെഡ്മി സ്മാർട്ട്ഫോണുകളുടെ ലോഞ്ച് കമ്പനി ഔദ്യോഗികമായി ഇതുവരെ സ്ഥിരീകരിച്ചിട്ടില്ല.

റെഡ്മി നോട്ട് 9 5 ജി സീരീസ് സ്മാർട്ഫോണുകളിൽ ഇനി മുഴുവൻ മീഡിയടെക്, ക്വാൽകോം പ്രോസസ്സറുകൾ വരുമെന്ന് മുൻപ് വന്നിരുന്ന ചോർച്ചകളും അഭ്യൂഹങ്ങളും അഭിപ്രായപ്പെട്ടു. റെഡ്മി നോട്ട് 9 5 ജി, റെഡ്മി നോട്ട് 9 പ്രോ 5 ജി എന്നിങ്ങനെ രണ്ട് മോഡലുകൾ ഈ സീരീസിൽ ഉൾപ്പെടുമെന്ന് പ്രതീക്ഷിക്കുന്നു. റെഡ്മി നോട്ട് 9 പ്രോ 5 ജിയെ റെഡ്മി നോട്ട് 9 ഹൈ-എഡിഷൻ എന്നും റെഡ്മി നോട്ട് 9 5 ജി റെഡ്മി നോട്ട് 9 സ്റ്റാൻഡേർഡ് എഡിഷനായി ലോഞ്ച് ചെയ്യുമെന്നും പറയുന്നു.

കഴിഞ്ഞയാഴ്ച പുറത്തുവന്ന ഒരു റിപ്പോർട്ടിൽ, സ്റ്റാൻഡേർഡ് എഡിഷൻ സി‌എൻ‌വൈ 1,000 (ഏകദേശം 11,300 രൂപ) വിലയോടുകൂടി അവതരിപ്പിക്കുമെന്ന് വെളിപ്പെടുത്തി. ഉയർന്ന എഡിഷന് സി‌എൻ‌വൈ 1,500 (ഏകദേശം 17,000 രൂപ) വിലയുണ്ട്. ഇന്ത്യയിലെ റെഡ്മി നോട്ട് 9 വില 4 ജിബി റാം, 64 ജിബി ഇന്റേണൽ സ്റ്റോറേജ് മോഡലിന് 11,999 രൂപ മുതൽ വില ആരംഭിക്കുന്നു. റെഡ്മി നോട്ട് 9 പ്രോ ഇന്ത്യ വില 12,999 രൂപ മുതൽ ആരംഭിക്കുന്നു. അതേസമയം, 15,999 രൂപ മുതൽ ആരംഭിക്കുന്ന റെഡ്മി നോട്ട് 9 പ്രോ മാക്സും കമ്പനി പുറത്തിറക്കി.

ഹോണർ ഇനി ഹുവാവേയുടേതല്ല, സബ് ബ്രാന്റിനെ വിറ്റത് വൻ തുകയ്ക്ക്

റെഡ്മി നോട്ട് 9 5 ജി സീരീസ്: പ്രതീക്ഷിക്കുന്ന സവിശേഷതകൾ

റെഡ്മി നോട്ട് 9 5 ജി, റെഡ്മി നോട്ട് 9 പ്രോ 5 ജി എന്നിവയുടെ പ്രധാന സവിശേഷതകൾ കഴിഞ്ഞ ആഴ്ച ടെന വെബ്‌സൈറ്റ് വെളിപ്പെടുത്തി. ലിസ്റ്റിംഗ് അനുസരിച്ച്, റെഡ്മി നോട്ട് 9 5 ജിയിൽ മോഡൽ നമ്പർ M2007J22C, 6.53 ഇഞ്ച് ഫുൾ എച്ച്ഡി + ഐപിഎസ് ഡിസ്പ്ലേ, മീഡിയടെക് ഡൈമെൻസിറ്റി 800 യു പ്രോസസർ, 8 ജിബി റാം റാം, 256 ജിബി വരെ സ്റ്റോറേജും 48 എംപി പ്രൈമറി സെൻസറുള്ള ട്രിപ്പിൾ റിയർ ക്യാമറകളുമുണ്ട്. റെഡ്മി നോട്ട് 9 പ്രോ 5 ജിയിൽ മോഡൽ നമ്പർ M2007J17C, 6.67 ഇഞ്ച് ഫുൾ എച്ച്ഡി + ഡിസ്‌പ്ലേ, ക്വാൽകോം സ്‌നാപ്ഡ്രാഗൺ 750 ജി പ്രോസസർ, 12 ജിബി റാം വരെ, 256 ജിബി വരെ സ്റ്റോറേജ്, 108 എംപി പ്രൈമറി റിയർ ക്യാമറ സെൻസർ തുടങ്ങിയ സവിശേഷതകളുണ്ടെന്ന് ഇതേ ലിസ്റ്റിംഗ് വെളിപ്പെടുത്തി.