Xiaomi Mi 10: 108 എംപി ക്യാമറയുമായി ഷവോമി എംഐ നോട്ട്10 ഇന്ത്യയിലേക്ക്

ഷവോമി എംഐ നോട്ട് 10 ഇന്ത്യയിൽ അധികം വൈകാതെ എത്തിക്കുമെന്ന് 91 മൊബൈൽസ് റിപ്പോർട്ട് ചെയ്യുന്നു. ഫോണിൻറെ ഗൂഗിൾ പ്ലേ സപ്പോർട്ടുള്ള ഗ്ലോബൽ വേർഷനായിരിക്കും ഇന്ത്യയിൽ അവതരിപ്പിക്കുക. വിപണിയിലെ പ്രതികരണം കണക്കിലെടുത്ത് എംഐ5 ന് ശേഷം ഷവോമി ഫ്ലാഗ്ഷിപ്പ് സ്മാർട്ട്ഫോണുകളൊന്നും പുറത്തിറക്കിയിരുന്നില്ല. ഇക്കഴിഞ്ഞ മാസങ്ങളിലായ കമ്പനി താങ്ങാവുന്ന വിലയ്ക്കുള്ള ഫ്ലാഗ്ഷിപ്പ് ഫോണുകളായ പോക്കോ എഫ്1, റെഡ്മി കെ20 പ്രോ എന്നിവ പുറത്തിറക്കിയിരുന്നു.

വിപണിയിൽ കടുത്ത മത്സരം

ഷവോമിയുടെ എംഐ നോട്ട് 10 പുറത്തിറങ്ങിക്കഴിഞ്ഞാൽ നിലവിലുള്ള വൺപ്ലസ് 7 ടി, റിയൽമി എക്സ് 2 പ്രോ എന്നിവയ്‌ക്കെതിരെയായിരിക്കും വിപണയിൽ മത്സരിക്കേണ്ടി വരിക. എംഐ നോട്ട് 10 പൂർണ്ണമായും ഒരു മുൻനിര സ്മാർട്ട്‌ഫോൺ ആണെന്ന് പറയാനാവില്ലെങ്കിലും ഫോണിലെ ക്യാമറകൾ നിലവിലുള്ള മറ്റൊന്നുമായും താരതമ്യപ്പെടുത്താനാവില്ല, പ്രത്യേകിച്ചും 108 എംപി പ്രൈമറി സെൻസർ. ഒരു സ്മാർട്ട്ഫോണിൽ കണ്ട ഏറ്റ ഉയർന്ന റസലൂഷനുള്ള ക്യാമറയാണ് ഇത്.

എംഐ നോട്ട്10 ക്യാമറ

പ്രധാന പിൻ ക്യാമറ 108 എംപി റസലൂഷൻ നൽകുമ്പോൾ അതിനൊപ്പം 2x ഒപ്റ്റിക്കൽ സൂം ഉള്ള 12 എംപി ടെലിഫോട്ടോ ലെൻസ്, 5 എക്സ് ഒപ്റ്റിക്കൽ സൂം ഉള്ള 5 എംപി പെരിസ്‌കോപ്പിക് സൂം ലെൻസ്, 20 എംപി അൾട്രാ വൈഡ് ആംഗിൾ ലെൻസ്, 2 എംപി മാക്രോ ലെൻസ് എന്നിവയും പിൻക്യാമറ സെറ്റപ്പിൽ കമ്പനി നൽകിയിട്ടുണ്ട്. ഫെയ്‌സ് അൺലോക്ക് സപ്പോർട്ടുള്ള 32 എംപി ഫ്രണ്ട് ഫേസിംഗ് സെൽഫി ക്യാമറും ഫോണിൽ നൽകിയിട്ടുണ്ട്.

എംഐ നോട്ട്10 സവിശേഷതകൾ

എഫ്‌എച്ച്‌ഡി + റെസല്യൂഷനോടുകൂടിയ ഇരട്ട-കർവ്ഡ് 6.47 ഇഞ്ച് AMOLED ഡിസ്‌പ്ലേയും മുകളിൽ ഒരു ചെറിയ വാട്ടർ ഡ്രോപ്പ് നോച്ചും ഇൻ-ഡിസ്‌പ്ലേ ഫിംഗർപ്രിന്റ് സെൻസറും ഡിവൈസിൻറെ പ്രധാന സവിശേഷതയാണ്. ക്വാൽകോം സ്‌നാപ്ഡ്രാഗൺ 730 ജി SoC സ്മാർട്ട്‌ഫോണിന് കരുത്ത് പകരും. കുറഞ്ഞത് 6 ജിബി റാമും 128 ജിബി ഓൺബോർഡ് സ്റ്റോറേജും ഈ സ്മാട്ടഫോൺ നൽകുന്നു. ആൻഡ്രോയിഡ് 9 പൈ ഓപ്പറേറ്റിങ് സിസ്റ്റം അടിസ്ഥാനമാക്കിയുള്ള MIUI 11ലാണ് ഫോൺ പ്രവർത്തിക്കുന്നത്. ഫോണിന് ആൻഡ്രോയിഡ് 10 അപ്‌ഡേറ്റും ലഭ്യമാകും.

എംഐ നോട്ട്10 ഇന്ത്യയിലെ വില

ഷവോമി എംഐ നോട്ട്10 യൂറോപ്പിൽ 549 യൂറോയ്ക്കാണ് വിൽക്കുന്നത് (ഏകദേശം 43,000 രൂപ). ഇന്ത്യയിൽ പൊതുവേ ഷവോമി നടപ്പിലാക്കി വരുന്ന വില നിർണ്ണയ തന്ത്രം കണക്കിലെടുക്കുമ്പോൾ വിപണിയിൽ ഉള്ള ഇതേ കാറ്റഗറി ഫോണുകളോട് മത്സരിക്കുന്നിനായി എംഐ നോട്ട് 10 അടിസ്ഥാന വേരിയൻറിന് ഏകദേശം 30,000 രൂപ വിലവരും എന്നാണ് പ്രതീക്ഷിക്കുന്നത്.