ഷവോമി എംഐ 11 സ്മാർട്ട്‌ഫോൺ സീരീസ് 2021 ജനുവരിയിൽ അവതരിപ്പിക്കും: വിശദാംശങ്ങൾ

ഷവോമി എംഐ 11 ലോഞ്ച് വിശദാംശങ്ങൾ

ഈ വർഷം അവതരിപ്പിച്ച എംഐ 10 സീരീസിന്റെ തുടർച്ചയായി ഷവോമി എംഐ 11 അല്ലെങ്കിൽ എംഐ 20 സ്മാർട്ഫോണുകൾ അവതരിപ്പിക്കുമോ എന്ന് ഇനിയും വെളിപ്പെടുത്തിയിട്ടില്ല. ക്വാൽകോമിൽ നിന്നുള്ള ഫ്രന്റ്ലൈൻ ചിപ്‌സെറ്റായ സ്‌നാപ്ഡ്രാഗൺ 875 SoC പ്രോസസറുമായി 2021 ന്റെ തുടക്കത്തിൽ കമ്പനി നെക്സ്റ്റ് ജനറേഷൻ എംഐ ഫ്ലാഗ്ഷിപ്പ് സ്മാർട്ട്‌ഫോൺ സീരീസ് പുറത്തിറക്കുകയാണെങ്കിൽ പുതിയ മൊബൈൽ പ്ലാറ്റ്ഫോം ഉപയോഗിക്കുന്ന ആദ്യത്തെ ചൈനീസ് ബ്രാൻഡായിരിക്കും ഷവോമി.

നെക്സ്റ്റ് ജനറേഷൻ ആൻഡ്രോയിഡ് ഫ്ലാഗ്ഷിപ്പുകൾക്കായി ഡിസംബർ ഒന്നിന് ക്വാൽകോം ഏറ്റവും പുതിയ ചിപ്‌സെറ്റ് പ്രഖ്യാപിക്കാൻ സാധ്യതയുണ്ട്. ടിപ്പ്സ്റ്ററിന്റെ ട്വിറ്റർ പോസ്റ്റിന്റെ മെഷീൻ ട്രാൻസ്‌ലേഷൻ അനുസരിച്ച്, നെറ്റ്‌വർക്ക് സർട്ടിഫിക്കേഷനായി ഷവോമി എംഐ 11 ഇതിനകം എത്തിയിട്ടുണ്ട്. ഈ പുതിയ സ്മാർട്ട്‌ഫോൺ സീരീസ് ജനുവരിയിൽ എപ്പോഴെങ്കിലും ഔദ്യോഗികമായി അവതരിപ്പിക്കുമെന്ന് ഇത് സൂചിപ്പിക്കുന്നു.

മുമ്പത്തെ റിപ്പോർട്ട് അനുസരിച്ച്, ഷവോമി എംഐ 11 ഒരു ബെൻഡഡ് ഡിസ്പ്ലേയും 108 എംപി പ്രൈമറി ക്യാമറ സെൻസറുള്ള പിൻഭാഗത്ത് ട്രിപ്പിൾ ക്യാമറ സെറ്റപ്പും വരുമെന്ന് പറയുന്നു. 30x സൂം വരെ സപ്പോർട്ട് നൽകുമെന്ന് പറയപ്പെടുന്നു. കൂടാതെ, മാക്രോ ഷോട്ടുകൾ പിടിച്ചെടുക്കാൻ കഴിയുന്ന അൾട്രാ-വൈഡ് ലെൻസ് ഉണ്ടെന്നും സൂചനയുണ്ട്. മറുവശത്ത്, ഷവോമി എംഐ 11 പ്രോ ഒരു പഞ്ച്-ഹോൾ കട്ട്ഔട്ടിനൊപ്പം വളഞ്ഞ ഡിസ്പ്ലേയോടെ പുറത്തിറക്കുമെന്ന് അഭ്യൂഹമുണ്ട്.

സ്‌ക്രീനിൽ ക്യുഎച്ച്ഡി+ റെസല്യൂഷനും 120Hz വേഗതയുള്ള റിഫ്രഷ് റേറ്റും ഉണ്ടായിരിക്കുമെന്ന് പറയപ്പെടുന്നു. സ്റ്റാൻഡേർഡ് എംഐ 11 ന്റെ ഡിസ്പ്ലേ വിശദാംശങ്ങൾ ഇതുവരെ വ്യക്തമല്ലെങ്കിലും ഇതിന് സമാനമായ റിഫ്രഷ് റേറ്റും റെസല്യൂഷനും ഉണ്ടെന്ന് വിശ്വസിക്കപ്പെടുന്നു. ഇപ്പോൾ, ഷവോമി എംഐ 11 പ്രോയുടെ പിന്നിൽ ഒരു ക്വാഡ് ക്യാമറ സെറ്റപ്പുമായി എത്തുമോ എന്നതിനെ കുറിച്ച് ഇതുവരെ ഒരു വ്യക്തതയില്ല. എന്നാൽ, ഈ സ്മാർട്ട്‌ഫോൺ 4-ഇൻ -1 പിക്‌സൽ ബിന്നിംഗ് ടെക്നോളജിയും 50 എംപി പ്രൈമറി ക്യാമറ ലെൻസും വരുമെന്നാണ് റിപ്പോർട്ട്. മറ്റുള്ളവയിൽ 48 എംപി അല്ലെങ്കിൽ 12 എംപി ടെലിഫോട്ടോ ലെൻസ് ഉൾപ്പെടുന്നു.