ഷവോമി 12 പ്രോ സ്മാർട്ട്ഫോൺ 20,000 രൂപ ഡിസ്കൌണ്ടിൽ സ്വന്തമാക്കാം

20,000 രൂപ ഡിസ്കൌണ്ടിൽ ഷവോമി 12 പ്രോ സ്വന്തമാക്കാം

ഷവോമിയുടെ സ്പെഷ്യൽ സെയിൽ വഴി 20,000 രൂപ ഡിസ്കൌണ്ടിൽ ഷവോമി 12 പ്രോ സ്വന്തമാക്കാൻ കഴിയും. ഷവോമി, റെഡ്മി ഉപയോക്താക്കൾക്ക് ഷവോമി അല്ലെങ്കിൽ റെഡ്മി നോട്ട് സീരീസ് സ്മാർട്ട്ഫോണുകൾ എക്സ്ചേഞ്ച് ചെയ്ത് ഷവോമി 12 പ്രോ സ്മാർട്ട്ഫോണിൽ 20,000 രൂപയുടെ ഡിസ്കൌണ്ട് സ്വന്തമാക്കാൻ കഴിയും.

എംഐ 10, എംഐ 10ടി, എംഐ 10ഐ, എംഐ 11എക്സ്, എംഐ 11എക്സ് പ്രോ എന്നീ സ്മാർട്ട്ഫോണുകൾ എക്സ്ചേഞ്ച് ചെയ്ത് ഷവോമി 12 പ്രോ സ്മാർട്ട്ഫോൺ വാങ്ങുമ്പോഴും 20,000 രൂപയുടെ ഡിസ്കൌണ്ട് ലഭിക്കും. ഷവോമി അവരുടെ വെബ്‌സൈറ്റിൽ എക്സേഞ്ച് ഓഫറിന് യോഗ്യതയുള്ള ഡിവൈസുകളും വിശദമായ എക്സ്ചേഞ്ച് വിലകളും ലിസ്റ്റ് ചെയ്തിട്ടുണ്ട്.

ഷവോമി 12 പ്രോ സ്മാർട്ട്ഫോണിന്റെ ഇന്ത്യയിലെ വില

ഷവോമി 12 പ്രോ സ്മാർട്ട്ഫോൺ വിപണിയിൽ എത്തുന്നത് രണ്ട് വേരിയന്റുകളിലാണ്. 8 ജിബി റാം + 128 ജിബി സ്റ്റോറേജ് കോൺഫിഗറേഷനുമായാണ് ബേസ് മോഡൽ വിപണിയിൽ എത്തുന്നത്. ഷവോമി 12 പ്രോ സ്മാർട്ട്ഫോണിന്റെ ബേസ് മോഡലിന് 62,999 രൂപയാണ് വില വരുന്നത്. 12 ജിബി റാം 256 ജിബി ഇന്റേണൽ സ്റ്റോറേജ് കോൺഫിഗറേഷനിലാണ് ഷവോമി 12 പ്രോ സ്മാർട്ട്ഫോണിന്റെ ഹൈ എൻഡ് മോഡൽ വരുന്നത്. 66,999 രൂപയാണ് ഈ വേരിയന്റിന് വില വരുന്നത്. കൌച്ചർ ബ്ലൂ, നോയർ ബ്ലാക്ക്, ഒപേറ മൌവേ എന്നീ കളർ ഓപ്ഷനുകളിലാണ് ഷവോമി 12 പ്രോ സ്മാർട്ട്ഫോൺ ലഭ്യമാകുന്നത്.

മറ്റ് ഇ കൊമേഴ്‌സ് സൈറ്റുകളിൽ നിന്ന് ഷവോമി 12 പ്രോ സ്മാർട്ട്ഫോൺ വാങ്ങുമ്പോഴും ഡിസ്കൌണ്ട് ലഭിക്കും. 4,000 രൂപ വരെയാണ് ഇങ്ങനെ ഉപയോക്താക്കൾക്ക് ലഭിക്കുന്ന ഡിസ്കൌണ്ട്. ഐസിഐസിഐ ബാങ്ക് കാർഡ് വഴിയോ അല്ലെങ്കിൽ ഈഎംഐ ആയി നടത്തുന്ന ഇടപാടുകൾക്ക് 6,000 രൂപയുടെ അധിക ഡിസ്കൌണ്ടും ലഭിക്കും.

ഷവോമി 12 പ്രോ സ്മാർട്ട്ഫോൺ

നിങ്ങൾ ഒരു ഫ്ലാഗ്ഷിപ്പ് ആൻഡ്രോയിഡ് സ്മാർട്ട്ഫോൺ വാങ്ങാൻ ആഗ്രഹിക്കുന്നെങ്കിൽ ഷവോമി 12 പ്രോ സ്മാർട്ട്ഫോൺ നല്ല ഓപ്ഷൻ തന്നെയാണ്. രണ്ടാം തലമുറ എൽടിപിഒ സാങ്കേതികവിദ്യയെ അടിസ്ഥാനമാക്കിയുള്ള 6.72 ഇഞ്ച് ഡബ്ല്യുക്യൂ എച്ച്ഡി പ്ലസ് (1440 x 3200 പിക്സൽസ്) ഇ5 അമോലെഡ് ഡിസ്‌പ്ലെയാണ് ഷവോമി 12 പ്രോ സ്മാർട്ട്ഫോൺ ഫീച്ചർ ചെയ്യുന്നത്. കൂടാതെ 120 ഹെർട്സിന്റെ ഡൈനാമിക് റിഫ്രഷ് റേറ്റും ഷവോമി 12 പ്രോ സ്മാർട്ട്ഫോണിൽ ലഭ്യമാണ്. കൂടാതെ, ഗെയിമിങിനായി ഒപ്റ്റിമൈസ് ചെയ്ത സ്നാപ്ഡ്രാഗൺ 8 ജെൻ 1 ചിപ്പ്സെറ്റും ഡിവൈസിൽ ലഭ്യമാണ്.

ഇമേജിങ്ങിനായി ട്രിപ്പിൾ ക്യാമറ സംവിധാനമാണ് ഷവോമി 12 പ്രോ സ്മാർട്ട്ഫോണിൽ ലഭ്യമാക്കിയിരിക്കുന്നത്. ഒഐഎസ് സപ്പോർട്ട് ഉള്ള 50 മെഗാ പിക്സൽ കസ്റ്റം സോണി ഐഎംഎക്സ്707 പ്രൈമറി സെൻസറാണ് ഹൈലൈറ്റ്. 50 മെഗാ പിക്സൽ അൾട്രാ വൈഡ് ലെൻസ്, മറ്റൊരു 50 മെഗാ പിക്സൽ 2എക്സ് ടെലിഫോട്ടോ ലെൻസ് എന്നിവയും ഈ ട്രിപ്പിൾ ക്യാമറ സംവിധാനത്തിൽ ലഭ്യമാണ്.

32 മെഗാ പിക്സൽ സെൽഫി ക്യാമറ സെൻസറും ഷവോമി 12 പ്രോ സ്മാർട്ട്ഫോണിൽ ലഭ്യമാണ്. 120 വാട്ട് ഷവോമി ഹൈപ്പർചാർജ് ഫാസ്റ്റ് വയർഡ് ചാർജിങ് സപ്പോർട്ടും ഷവോമി 12 പ്രോ സ്മാർട്ട്ഫോണിൽ ലഭ്യമാണ്. 4,600 എംഎഎച്ച് ലി പോളിമർ ബാറ്ററിയും ഷവോമി 12 പ്രോ സ്മാർട്ട്ഫോണിൽ ഉണ്ട്. ആൻഡ്രോയിഡ് 12 ഒഎസിലാണ് ഷവോമി 12 പ്രോ സ്മാർട്ട്ഫോൺ പ്രവർത്തിക്കുന്നത്.